உலக அரசியல் தலைவர்களின் மிகவும் முக்கியமானவராக கருதப்படும் அமெரிக்க ஜனாதிபதி ஒபமாவின் அரசியல் பயணம் இந்த ஆண்டுடன் நிறைவுக்கு வருகிறது.அமெரிக்க அரசியலில் மாற்றம் கொண்டு வந்த இவர் அவ்வப்போது, அமெரிக்காவில் நடைபெறும் கருத்தரங்குகள், விழாக்கள் போன்றவற்றில் கலந்துகொண்டு சிறப்புரையாற்றுவதோடு மட்டுமல்லாமல் சில கொமடிகளையும் அரங்கேற்றுவார்.
அந்த வகையில், ஒபாமாவின் சிறந்த திரை கொமடி நிகழ்வுகள் குறித்து வீடியோ வெளியாகியுள்ளது. அதில், மனைவியுடன் ஒரு நிகழ்ச்சியில் பங்கேற்ற ஒபாமா, அங்கு அழும் குழந்தையை அதன் தாயிடம் இருந்து வாங்கி சமாதானப்படுத்துகிறார். அவரிடம் சென்றவுடன் அக்குழுந்தை அமைதியாகிவிடுகிறது. தொலைக்காட்சி பேட்டி ஒன்றில் கலந்துகொண்ட போது, தான் பேசுவதை நிறுத்திவிட்டு கையில் அமர்ந்திருந்த கொசுவினை அடிக்கிறார். மற்றுமொரு சுவாரசிய நிகழ்வாக, பெண்களுடன் நிகழ்ச்சி ஒன்றில் கலந்துகொண்டபோது, இவர் உரையாற்றிக்கொண்டிருக்கிறார், அப்போது அவரின் பின்னால் நின்றுகொண்டிருந்த பெண்களில் ஒருவர் ம்ம்ம் என்று ஹம்மிங் போடுகிறார். அதனை கேட்ட ஒபாமா, தான் பேசுவதை நிறுத்திவிட்டு அவரும் அந்த ஹம்மிங்கை போடுகிறார், உடனே அருகில் இருந்த பெண்கள் எல்லோரும் சிரிக்கின்றனர். அதுமட்டுமின்றி, மற்றவர்களை வாழ்த்தும்போது உடல்ரீதியாக அவரது அணுகுமுறை, கருத்தரங்கின்போது பாடல்கள் பாடி அசத்துவது, நடனம் ஆடுவது என பல்வேறு கொமடிகளை செய்து மக்களை கவர்வார். |