அதன்படி முதல் இன்னிங்சை தொடங்கிய ஆஸ்திரேலியா அணி, இங்கிலாந்து வேகப்பந்து விச்சாளர் ஸ்டூவர்ட் பிராட் பந்து வீச்சில் நிலைகுலைந்து 60 ரன்களில் சுருண்டது. பிராட் 8 விக்கெட்டுகள் வீழ்த்தினார்.
பின்னர் இங்கிலாந்து முதல் இன்னிங்சை தொடங்கியது. முதல் நாள் ஆட்ட முடிவில் இங்கிலாந்து 4 விக்கெட் இழப்பிற்கு 274 ரன்கள் சேர்த்திருந்தது. ஜோ ரூட் 124 ரன்களுடனும், வுட் 2 ரன்களுடனும் களத்தில் இருந்தனர்.
இன்று 2-வது நாள் ஆட்டம் தொடங்கியது. தொடர்ந்து விளையாடிய ஜோ ரூட் மேலும் 6 ரன்கள் எடுத்து 130 ரன்களில் ஆட்டம் இழந்தார். வுட் 28 ரன்கள் எடுத்து பெவிலியன் திரும்பினார்.
9-வது நபராக களம் இறங்கிய மொயீன் அலி 27 பந்தில் 38 ரன்கள் குவித்து அவுட் ஆனார். இங்கிலாந்து அணி 9 விக்கெட் இழப்பிற்கு 391 ரன்கள் குவித்திருக்கும்போது டிக்ளேர் செய்வதாக அந்த அணியின் கேப்டன் குக் தெரிவித்தார். பிராட் 24 ரன்னுடனும், பின் ரன் ஏதும் எடுக்காமலும் களத்தில் இருந்தனர். ஆஸ்திரேலியா அணி சார்பிரல் மிட்செல் ஸ்டார்க் 6 விக்கெட்டுகள் வீழ்த்தினார்.
இதனால் 331 ரன்கள் பின்தங்கிய நிலையில் ஆஸ்திரேலியா 2-வது இன்னிங்சை தொடங்கியது. தொடக்க ஆட்டகரர்களான வார்னரும்(64), கிறிஸ் ரோஜர்சும்(52) சிறப்பான தொடக்கத்தை அளித்தனர். ஆனால் மற்ற வீரர்கள் சிறப்பாக ஆடவில்லை. மேலும் இங்கிலந்து பந்து வீச்சாளர் பென் ஸ்டோக்ஸ் சிறப்பாக செயல்பட்டு 5 விக்கெட்களை வீழ்த்தினார்.
இரண்டாம் ஆட்ட நேர முடிவில் ஆஸ்திரேலியா 7 விக்கெட் இழப்புக்கு 241 ரன்கள் எடுத்துள்ளது. ஆஸ்திரேலியா 90 பின்தங்கியுள்ள நிலையில் அந்த அணியின் தோல்வி ஏறக்குறைய உறுதியாகிவிட்டது