காலையில் சாப்பிடும் காளான் பன்னீர் டோஸ்ட்

கோதுமை ரொட்டி – 5 துண்டுகள்
துருவிய பன்னீர் – கால் கப்
நறுக்கிய காளான் – அரை கப்
பெ.வெங்காயம் – 1
குடைமிளகாய் – 1
தக்காளி – 1
எண்ணெய், உப்பு – தேவையான அளவு

செய்முறை:

பெரிய வெங்காயம், தக்காளி, குடைமிளகாயை பொடியாக நறுக்கி கொள்ளவும்.

அடுப்பில் தோசைக்கல்லை வைத்து ரொட்டி துண்டுகளை பரப்பி இரு புறமும் புரட்டி போட்டு பொன்னிறமாக பொரித் தெடுக்கவும்.

வாணலியில் எண்ணெய் ஊற்றி அது சூடானதும் வெங்காயம், குடைமிளகாய், தக்காளி, காளான், உப்பு ஆகியவற்றை போட்டு பொன்னிறமாக வதக்கவும்.

இந்த கலவையை ரொட்டி துண்டுகளின் மீது பரப்பி அதன்மேல் துருவிய பன்னீரை தூவி மைக்ரோ ஓவனில் வைத்து டோஸ்ட் செய்து பரிமாறவும்.