தானியங்கி காரை உருவாக்கி அசத்திய கல்லூரி மாணவன்!

கார் தொழில்நுட்பத்தில் அடுத்த கட்டமாக தானியங்கி கார்களை உருவாக்கும் முயற்சியில் பல்வேறு நிறுவனங்கள் போட்டி போட்டுக்கொண்டு ஈடுபட்டு வருகின்றன.

இவற்றுள் சில நிறுவனங்கள் தமது திட்டத்தினை இடைநடுவில் கைவிட்டுள்ள அதேவேளை வேறு சில நிறுவனங்கள் பரீட்சிப்பு கட்டம் வரைக்கும் கொண்டுவந்துள்ளன.

இவ்வாறான தருணத்தில் கல்லூரி மாணவன் ஒருவன் தனது Honda Civic மொடெல் காரினை தானியங்கி காராக மாற்றியமைத்து அசத்தியுள்ளான்.

அமெரிக்காவின் ஒமாகா பகுதியில் உள்ள Nebraska பல்கலைக்கழகத்தைச் சேர்ந்த கல்லூரி மாணவனே இச் சாதனையைப் புரிந்துள்ளான்.

இவ்வாறு தனது காரினை தானியங்கி காராக மாற்றுவதற்கு வெறும் 700 அமெரிக்க டொலர்கள் மட்டுமே செலவானதாக குறிப்பிட்டுள்ளான்.

Brevan Jorgenson எனும் குறித்த மாணவன் இதற்கான மூலங்ளை இணையத்தளத்திலிருந்து பெற்றுக்கொண்டு தனது தனி முயற்சியிலேயே சாதித்துள்ளதாக தெரிவிக்கப்பட்டுள்ளது.