நீண்ட கால இடைவெளிக்கு பிறகு நோக்கியா நிறுவனம் தனது புதிய ஸ்மார்ட் கைப்பேசிகளை அறிமுகம் செய்யக் காத்திருக்கின்றது.

குறித்த கைப்பேசிகள் அன்ரோயிட் இயங்குதளத்தினைக் கொண்டிருப்பதனால் கைப்பேசி பிரியர்கள் மத்தியில் பலத்த எதிர்பார்ப்பினை ஏற்படுத்தியுள்ளது.

இந்நிலையில் நோக்கியா 6 எனும் கைப்பேசியானது தற்போது சீனாவில் மட்டும் அறிமுகம் செய்யப்பட்டுள்ளது.

இதன் விலையானது 249 யூரோக்கள் ஆகும்.

அடுத்ததாக அறிமுகம் செய்யப்படவுள்ளது நோக்கியா 5 எனும் கைப்பேசி ஆகும்.

இக் கைப்பேசி 5.2 அங்குல அளவுடைதும், 1280 x 720 Pixel Resolution உடையதுமான திரையினைக் கொண்டுள்ளதுடன், பிரதான நினைவகமாக 2GB RAM மற்றும் 12 மெகாபிக்சல்களை உடைய கமெராவினையும் கொண்டுள்ளது.

இதன் விலையானது 199 யூரோக்கள் ஆகும்.

அதனைத் தொடர்ந்து 149 யூரோக்கள் பெறுமதியான நோக்கியா 3 எனும் கைப்பேசியும் அறிமுகம் செய்யப்படவுள்ளது.

இதற்கிடையில் நோக்கியா நிறுவனம் ஆரம்ப காலங்களில் அறிமுகம் செய்த Nokia 3310 எனும் கைப்பேசியும் நவீனத்துவப்படுத்தப்பட்டு மீண்டும் அறிமுகம் செய்யப்படவுள்ளது.

இதனை 59 யூரோக்கள் பெறுமதியில் பெற்றுக்கொள்ள முடியும்.