மாவிலாறு மகிந்தாவும் முள்ளிவாய்க்கால் பிரபாகரனும் நடந்தது என்ன?

அது மட்டுமல்ல வடக்கு பகுதியில் அனைத்து இராணுவ செயற்படுகளுக்குமான ஒரு மைய்யத்தளமாக இந்த வான்படைத்தளம் இருந்தது .இலங்கையில் உள்ள அனைத்து தளங்களினதும் இந்த தளம் மிகவும் வித்தியாசம் ஆனது.ஏனெனில் ஏனைய தளங்களில் மக்களின் போக்குவரத்திற்கும் சில பகுதிகள் ஒதுக்க பட்டுள்ளன .அனால் முற்றுமுழுதாக இராணுவத் தேவைகளுக்காகவே ஒதுக்கபட்ட தளம் அனுராதபுர தளம் .எந்த சந்தர்பத்திலும் எந்தவொரு பொதுமகனும் உள்நுழைய முடியாத அளவிற்கு மிகவும் இறுக்கமான பாதுகாப்பை பேணிவந்த தளம் இது.இந்த தளத்தின் மீது சிறிலங்கா பெரும் நம்பிக்கை கொண்டிருந்தது.அத்துடன் தளம் விரிவுபடுத்த பட்டுகொண்டிருன்தது மிகையொலி வானுர்திகளை நிறுத்துவதற்காகவும் எதிர்காலத்தில் பல தாக்குதல் வான்கலங்களை நிறுத்தி வைக்க பாதுகாப்பான தளம் என்பதையும் கருதி செயற்பாடுகள் மேற்கொள்ளபட்டு வந்தன.

இதே வேளை முற்றுமுழுதாக சிங்க கிராமங்களால் சூழப்பட்ட பகுதி என்பதால் இதற்குள் புலிகள் உடுருவது என்பது மிகவும் கடினமான விடையம் என்றே சிங்கள இராணுவம் நம்பியிருந்தது .அந்த நம்பிக்கையில் மண்ணை அள்ளிபோட்டனர் புலிகள்.இப்பெரும் தளத்தின் மீதுதான் கரும்புலிகளும் வான்புலிகளும் இணைந்து (22-10-2007 ) ஒரு இணைந்த தாக்குதலை வெற்றிகரமாக நடத்துகிறார்கள்.

எல்லாளன் என தமிழீழ தேசிய தலைவரால் பெயரிடப்பட்ட இந்த இராணுவ நடவடிக்கை குறித்து போராளிகளுக்கு மட்டுமல்ல பொறுப்பாளர்கள் மத்தியில் கூட அன்றைய சூழ்நிலையில் இவ்வாறான தாக்குதல் நடைபெறும் என்று எதிர்பார்கவில்லை .தாக்குதலுக்கு முதல்நாள் தளபதிகளை அழைத்த தமிழீழ தேசிய தலைவர் “உங்களுக்கு நான் எல்லாளனை காட்ட போகிறேன் “என்று கூறியபோது கூட யாருக்கும் என்ன எதுவென்று தெரியவில்லை,அத்தனை துரம் மிகவும் இரகசியமாக திட்டமிடபட்டு தலைவரால் ஒருன்கினைக்கபட்டு மேற்கொள்ளபட்ட தாக்குதல் இது .ஒரு தாக்குதல் நடவடிக்கையை தலைவரால் இத்தனை துரம் இரகசியம் பேணப்பட்டு மேற்கொள்ளபட்டது என்றால்,ஒரு பெரும் இராணுவ நடவடிக்கையை தலைவர் எவ்வாறு எதிர்கொண்டிருப்பார் என்பதை வரும்காலம்தான் பதில் சொல்லும்.அதுவரை பொறுத்திருக்கத்தான் வேண்டும் ,கடும் பயிற்ச்சி நீண்ட பயணம் என தங்களை வருத்தி இந்த வெற்றிக்காக உழைத்திருந்த கரும்புலிகள் தங்களையே கொடையாக கொடுத்து இந்த வெற்றியை தேசத்துக்கு பெற்று தந்தார்கள்.(21 ) கரும்புலிகளுக்கும் தலைமைதாங்கி தளபதியாக சென்றவர் இளங்கோ ,எத்தனையோ சமர்களங்களில் தோல்வி வந்து விடுமோ என்று எதிர்பாக்க பட்டநிலையில் அந்த களமுனையை வெற்றி களமுனையாக மாற்றிய பெருமைக்குரிய போராளி இளங்கோவிற்கு உண்டு.இந்த கரும்புலி அணியில் இரண்டாவது பொறுப்பாளராக வீமன் நியமிக்கபட்டிருந்தார் தலைவரின் மெய்பாதுகாப்பு அணியில் நம்பிக்கைக்குரிய போராளியாக இருந்த வீமநிடம்தான் ‘ தேசத்தின் குரல் கலாநிதி அன்ரன் பாலசிங்கம் அவர்கள் தாயகத்தில் பயணிக்கும் போது அவருடைய பாதுகாப்புக்கான முழுப்பொறுப்பையும் தலைவர் ஒப்படைத்து இருந்தார்.இவ்வாறு நம்பிக்கைக்குரிய போராளிகளைத்தான் இந்த நடவடிக்கைக்கு தேர்தெடுத்து அனுப்பிவைத்திருந்தார்.தலைவரின் நம்பிக்கையை இறுதிவரை தக்கவைத்தார்கள்.

அன்றிரவு தலைவர் துக்கமின்றி தளபதிகளுடன் பெரும் எதிர்பார்ப்புடன் காத்துக்கொண்டு இருந்தார்.அதிகாலை ( 3.20 ) மணிக்கு இளங்கோ சண்டைய துவங்க போவதாக தலைவருக்கு அறிவிக்கிறார்.அப்போதுதான் அங்கிருந்த தளபதிகளுக்கே அனுராதபுரத்தில் பேரிடி விழப்போகும் உண்மை புரிகிறது.மிக வேகமாக தாக்குதலை நடத்தி தங்களுக்கு வழங்கபட்ட இலக்குகளை அழித்து அங்கிருந்த வானுர்திகளை தகர்த்து முடித்தார்கள்.விடுதலைபுலிகளின் வெற்றிகரமான தாக்குதல் வரிசைகளில் ஒன்றானா உலக நாடுகளை எல்லாம் விடுதலைப்புலிகள் பற்றி பேசவைத்த தாக்குதலாக இந்த தாக்குதலும் அமைந்து விட்டது.அனால் இந்திய இத்தாக்குதல் குறித்து ஆழமாக அச்சம் கொண்டது சிறிலங்கா படைகளின் வடக்கு கிழக்கிற்கான வான்படைத் தலைமையகம் அனுராதபுரத்தை மையமாக கொண்டு செயற்பட்டது.அதற்க்கு இந்த தாக்குதல் பெரும் ஆபத்தை ஏற்படுத்தி விட்டாதாக கருதப்பட்டது.இத்தாக்குதல் முலம் சிறிலங்கா வான்படையினரின் பல வானுர்திகள் ,வான்கலங்கள் ,ஆயுதங்கள் , நவீன ராடார் கருவிகள் , அழிக்கபட்டு பலகோடி பெறுமதியான இழப்புக்கள் ஏற்படுத்த பட்டது.அந்த இழப்பினை இறுதிவரை சிறிலங்கா வெளியிடாமல் மறைத்துகொண்டது.தாக்குதலை நடத்திய விடுதலை புலிகளின் வான்படை வெற்றிகரமாக தாயகம் திரும்பின.சிறிலங்கவிற்கு பெரும் அழிவினை ஏற்படுத்திய இந்த கரும்புலிகளில் ( 21 ) கரும்புலிகள் தமது வீர வரலாற்றை எழுதினார்கள்.மறுநாள் அவர்கள் தேசிய தலைவருடன் நிற்கும் படங்கள், ஒளிப்படங்கள் ,வெளியிடபடுகின்றன வன்னி மட்டுமல்ல புலம்பெயர்ந்து தமிழ் மக்கள் வாழும் நாடுகள் எங்கும் இக்கரும்புலிகளுக்கு வீரவணக்கம் செலுத்தும் நிகழ்வுகள் நடந்தேறுகின்றன.

அனால் இந்த தாக்குதலால் ஏற்பட்ட தோல்வியால் அவமானமும் ஆத்திரமும் அடைந்த சிறிலங்கா மிக கேவலமாக நடந்துகொண்டது.கரும்புலிகளின் ஆடைகளை களைந்து அவமான படுத்த முனைந்தவர்கள் தங்களைத் தாங்களே கேவலமாக்கி அவமான பட்டுகொண்டார்கள்.எல்லாவற்றையும் துறந்துவிட்டு வந்த புத்தரின் மண்ணில் அவரைப்போலவே எங்கள் போராளிகளும் கிடந்தார்கள் தமிழர் மனங்களில் அவர்கள் தெய்வமாக உயர்ந்தார்கள்.இதேவேளை விடுதலை புலிகளின் வான்படையால் சிறிலங்கா படையினர் மட்டுமல்ல வேறு சிலரும் அச்சம் கொண்டிருந்தனர் என்பது அன்று உலகம் அறிந்த உண்மை.தனியாக தாக்குதல் நடத்திவந்த வான்புலிகள் தற்போது இணைந்து தாக்குதல் நடந்துவதென்பது எதிர்காலத்தில் சிறிலங்கவிற்கு மேலும் பாரிய இழப்புக்களை ஏற்படுத்தும் என்று அச்சம் கொள்ள தொடங்கினார்கள்.இதனை கட்டுபடுத்த உலகநாடுகளின் கால்களில் வீழ்ந்தது சிறிலங்கா.வான் புலிகளை ஒடுக்க உலக நாடுகளிடம் உதவி கேரி நின்றார்கள்.இந்தியாவும் சிறிலங்கவிற்கு ஆதரவாக உலக நாடுகளின் உதவிகரன்களை பிடித்து கொடுத்தது.இந்தநிலையில் வானத்தில் இருந்து வானத்தில் தாக்குதல் நடத்தகூடிய வல்லமை பொருந்திய கு (7 ) ரக விமானத்தினை சிறிலங்கா வான் படையினர் கொள்வனவு செய்கிறார்கள்.இதில் இரவில் தாக்கும் திறன்கொண்ட தொழில்நுட்பங்களை கையாள்கிறார்கள்.இந்த நிலையில்தான் வெற்றிகராமாக தாக்குதல்களை நடத்திய வான் புலிகளுக்கு தமிழீழ தேசிய தலைவர் விருது வழங்கி கவுரவித்தார்,அந்த நிகழ்வு மிகவும் எளிச்சிகரமாக நடைபெற்றது அந்த நிகழ்வு நடைபெற்ற மறுநாள்தான் பேரிழப்பு ஒன்று வந்து சேர்ந்தது

மாவிலாறு மகிந்தாவும் முள்ளிவாய்க்கால் பிரபாகரனும் நடந்தது என்ன?

சுழியோடி

-28

புலிகளின் ஒவ்வொரு தாக்குதலுக்கு பின்பும் ,சிறிலங்கா படையினரின் தாக்குதல் விமானங்கள் நாடு இரவு நேரங்களில் கூட வன்னி வந்து விடுதலை புலிகளின் விமானபடைத்தளம் இருப்பதாக கருதிய இரணைமடு பகுதி மீது வெளிச்சக்குண்டுகளை வீசி ஒளி பாச்சிவிட்டு தாக்குதலை நடத்திவிட்டு சென்றன.கொழும்பில் அமைச்சர்கள் இனிமேல் வான்புலிகள் வாலாட்ட முடியாது மேலேறினால் கிளிரங்க முடியாது என எச்சரித்து கொண்டிருந்தனர்.ஆனாலும் வான்படையினரின் தாக்குதலுக்கு மத்தியிலும் அமைச்சர்களின் எச்சரிக்கைகளுக்கு மத்தியிலும் திருகோணமலை யாழ்ப்பாணம் மன்னார் ,கொழும்பு என வான் புலிகளின் தாக்குதல்கள் தொடர்ச்சியாக நடந்துகொண்டுதான் இருந்தன .எத்தனை முறை தாக்குதல் நடத்தியும் வான்புலிகள் மேலெழுந்து வருவது சிங்கள தரப்பிற்கு மேலும் அச்சத்தை அதிகரித்தது.எங்கிருந்து வருகிறார்கள் ?
எங்கே சென்று மறைகிறார்கள் என்பதை கண்டறிந்துகொள்ள முடியாமல் மனமுடைந்து போகுமளவுக்கு சிறிலங்கா வான்படை திகழ்ந்தது.வானில் சந்தேகத்திற்கு இடமாக ஒரு குருவி பறந்தால் கூட சந்திரனைபார்த்து குரைத்த நாயைப்போல் படையினர் இலக்குகள் இன்று வேட்டுக்களை தீர்த்து தள்ளினார்கள்.

ஒரு கட்டத்தில் இரணைமடுவில் தாக்குதல் நடத்துவதை விமான படையினர் தவிர்த்துவிட்டு முல்லைத்தீவு புதுக்குடியிருக்கு என வேறு பகுதிகளில் வான் புலிகள் இருப்புக்களை தேடி வெளிச்சக்குண்டுகளை தேடி தாக்குதல்களை நடத்த தொடங்கினார்கள்.இதனால் பொதுமக்களுக்குத்தான் இழப்புக்கள் அதிகம் ஏற்பட்டன.அத்துடன் வன்னி வான்பரப்பில் சிறிலங்கா படையின் வேவு விமானங்கள் (24 ) நேரமும் விடுதலைபுலிகளின் நடமாட்டத்தை கண்காணித்து கொண்டிருந்தன.அது வழங்கும் தகவல்களை கொண்டு சிறிலங்கா வான்படை இடைவிடாத தாக்குதல்களை நடத்திக்கொண்டு இருந்தது .அத்துடன் தரை வழியாகவும் தனது புலனாய்வாளர்கள் தனக்கு தகவல் தருபவர்களை கொண்டு வன்னியின் நிலைமைகளை அறிந்துகொண்டு இருந்தது.இந்தநிலையில் தான் ( 01-11-2007 ) அன்று வான்புலிகளை கவுரவிக்கும் நிகழ்வொன்றில் தமிழீழ தேசியத்தலைவர் அவர்கள் கலந்துகொண்டு வான் புலிகளுக்கு விருதுகளை வழங்கி கவுரவித்திருந்தார் ,விடுதலை புலிகளின் பல முக்கிய பிரமுகர்கள் கலந்துகொண்ட இந்த முக்கிய நிகழ்விற்கு விடுதலைபுலிகளின் அரசியல்துறை பொறுப்பாளர் தமிழ்ச்செல்வன் அவர்களும் சென்றுவிட்டு கிளிநொச்சி தொண்டைமனகரில் உள்ள தனது முகாமிற்கு அன்றிரவே சென்று அந்த செய்தியினை உடகங்களுக்கு வழங்கிவிட்டு தனது செயற்பாடுகளில் ஈடுபடுகிறார்,சு ப .தமிழ்செல்வனின் இந்த முகாம் (எ ) வீதியிலிருந்து (100 ) மீற்றர் தொலைவில்தான் இருந்தது.இவரது முகாம்தான் என்பதை சிறிலங்கா ஏற்கனவே தெரிந்து வைத்திருந்தது ,விருதுவழங்கும் விழாவில் கலந்துகொண்டுவிட்டு வந்திருந்த இவரது முகாமில் அன்று இரவு வாகன நடமாட்டங்கள் அதிகரித்து காணப்பட்டன.இதனை வானத்தில் இருந்து வேவு விமானம் படம் எடுத்துகொண்டிருன்தது.

வாகன நடமாட்டங்களை கொண்டு அங்கு வேறும் பல முக்கிய பிரமுகர்கள் இருக்கிறார்கள் என்று சிறிலங்கா வான் படை கணித்திருக்கும்,மறுநாள் ( 02-11-2007 ) அன்று அந்த இடத்தை நோக்கி விரைந்து வந்தன சிறிலங்கா வான்படை விமானங்கள் ..வான்படை விமானங்கள் வருவதற்கு முன்பாகவே அந்த இடத்தை வேவு விமானங்கள் முற்றுகையிட்டிருந்தன.வழமைக்கு மாறான இந்த அதிகரித்த நடவடிக்கையால் அன்றைய பயிற்ச்சி நடவடிக்கையை ஒத்திவைத்துவிட்டு அருகிலிருந்த முகாமில் நாங்கள் காத்துகொண்டிருந்த போதுதான், வேகமாக வந்த விமானங்கள் தமிழ்செல்வனின் முகாமை இலக்குவைத்து காலை( 6.20 ) குண்டுகளை வீசின அந்த இடமெல்லாம் அதிர்ந்தது ஒரே புகைமண்டலமாக அந்த பிரதேசம் மாறியிருந்தது.உடனடியாகவே எல்லோருக்கும் புரிந்து விட்டது தமிழ்செல்வனின் இடத்துக்குத்தான் அடி விழுந்துவிட்டது என்பது,தாக்குதல் நடோபெர்ற இடத்திற்கு வேகமாக ஓடிச்சென்றோம் அவரது பாதுகாவலர்கள் பாதுகாப்புக்குத் தோண்டியிருந்த பதுங்குழி முற்றுமுழுதாக முடபட்டு விட்டது,அதற்குள் இருந்தவர்கள் உயிர்தப்ப வாய்பிருக்கலாம் என்று கருதி வேகமாக குழிக்குள் இருந்த மண்ணை அகற்றி மீட்க்கும் பனி தொடங்கியது,கார்த்திகை மாதம் ஈரம் படித்த மண்ணை குழிக்குள் இருந்து அகற்றுவது அவளவு இலகுவானதாக இருக்கவில்லை.இதற்கிடையில் தமிழ்செல்வனின் இடத்திற்கு அடி விழுந்துவிட்டதாம் என்ற தகவல் போராளிகள் பொறுப்பாளர்கள் மத்தியில் தகவல் பரவு உடனடியாகவே தளபதிகள் பொறுப்பாளர்கள் அவ்விடத்தை விரைந்து வந்து சேர்ந்தார்கள்,அனல் இன்னும் அவர்கள் பதுங்குகுளிக்குள் இருந்து மீட்கப்படவில்லை முடியிருந்த மண்ணை அகற்றுவது பெரும்பாடாக இருந்தது,பின்னர் இயந்திரங்கள் கொண்டுவரபட்டு காலை ( 9.00 )மணிக்குத்தான் பதுங்குழியில் இருந்த மண்ணை அகற்ற முடிந்தது,..

உலகெங்கும் சமாதனம் பேசபறந்து திரிந்த வெள்ளை புற சிறகொடிந்து அந்த குழிக்குள் விழிமுடி கிடந்தது.அதற்குள் அவருடன் இருந்த அனைவரும் சாவை தழுவியிருந்தார்கள்.செல்வம் என்ற போராளிக்கு மீதமாக இன்னும் உயிர் இருப்பது தெரிந்தது,உடனடியாக அவசரசிகிச்சை வழங்கப்பட்டு மருத்துவமனைக்கு எடுத்துசெல்லபட்ட போதும் சிகிச்சை பலனின்றி அவரும் சாவை தளுவிகொள்ளுகிறார்,சமாதனத்துக்காக உலகெங்கும் திரிந்து போராடிய தமிழ்செல்வனின் இழப்பு தமிழர் மனங்களில் பெரும் அதிர்வை ஏற்படுத்தியிருந்தது ,சமாதானத்திற்கு சிறிலங்கா வைத்த ஒரு முற்றுப் புள்ளியாகவே இது கருதபட்டது.அதுவே உண்மை என்பதை பின்னர் வந்த நாட்கள் உறுதிபடுத்தி சென்றன.சு ப தமிழ்செல்வம் மற்றும் போராளிகளின் வித்துடல் தளபதி போராளிகள் பொறுப்பாளர்கள் மக்கள் அன்சளிக்காக வைக்கபட்டு கிளிநொச்சி மாவீரர் துயிலும் இல்லத்தில் முழுப்படைய மதிப்புடன் விதைக்கபடுகின்றது,இவரது வீர வணக்க இறுதி நிகழ்வு கிளிநொச்சியில் பெருமெடுப்பில் நடைபெற்று கொண்டிருந்த போதே சிறிலங்கா வான்படையின் வேவு விமானம் இவரது நிகழ்வு நடக்கும் இடத்தை சுற்றி சுற்றி வேவு எடுத்துகொண்டு இருந்தது,ஆனாலும் அத்தனை தளபதிகள் போராளிகள் இந்நிகழ்வில் கலந்துகொண்டு தமிழ்செல்வனுக்கு இறுதிவிடை கொடுத்தனர்,கிபீர் மிக விமானங்கள் இரணைமடு பகுதிகள் மீது தாக்குதல் நடத்திக்கொண்டு இருந்தன,சிறிலங்கா விமானபடையின் அச்சுறுத்தலுக்கு மத்தியில்தான் சு ப தமிழ்செல்வனின் வித்துடல் முழுப்படைய மதிப்புடன் விதைக்கபடுகின்றது,சு ப தமிழ்செல்வனின் சாவுக்கு போரை விரும்பியது சிறிலங்கா அரசுதான் காரணம் என சொல்லபட்ட காரணங்களை ,இல்லை சர்வதேச நாடுகள்தான் காரணம் என அடுத்து வந்த நாட்கள் உடைத்து போட்டன

மாவிலாறு மகிந்தாவும் முள்ளிவாய்க்கால் பிரபாகரனும் நடந்தது என்ன?

சுழியோடி

-29

 வன்னி எங்கும் மாவீரர் நாள் ஏற்பாடுகள் தொடங்கிவிடும் .மாவீரர் நாளின் முக்கிய விடையமாக தமிழீழ விடுதலைபுலிகளின் கொள்கை விளக்க உரை இடம்பெறும் .தமிழ்ழீழ தேசிய தலைவரின் உரைக்காக தமிழ் மக்கள் மட்டுமல்ல உலகெங்கும் அவர் சொல்ல போகின்ற செய்தியை கேட்பதற்கு காத்திருப்புக்கள் நிகழும்,தலைவரின் உரை ஒளிப்பதிவு செய்யும் நிகழ்வு இரகசியமான இடத்திலே நடைபெறும் .அது எந்த இடம் என்று தெரிந்துகொள்ள முடியாத படையினர் மாவீரர் நாளுக்கு முதல் நாள் தொடக்கி கடுமையான வான் மற்றும் எறிகணை தாக்குதல்களை நடத்த தொடங்கிவிடுவார்கள்,தொடர்ச்சியான தீவிரமான தாக்குதல்களாக இவை நடைபெறும்.
இதன் முலம் தலைவர் உரையாற்ற வருவதை தடுப்பது அல்லது அதன்போது கொல்லுவது மற்றும் மாவீரர் நாள் நிகழ்வுகளில் மக்கள் கலந்து கொள்ளாமல் தடுப்பதும் முக்கியமானதாக இருந்தது.இந்த நிலையில்தான் சிங்கள ஊடகம் ஒன்றின் தலைப்பு செய்தியாக பிரபாகரனின் இறுதி மாவீரர் நாள் இதுவாகத்தான் இருக்கும் என்று எழுதியிருந்தது.இந்த செய்தி சில தளபதிகள் பொறுப்பாளர்கள் மத்தியில் தெரிகிறது.சிறிலங்கா அரசின் நினைப்பு எவ்வாறு அமைகிறது என்றால் தலைவர் அவர்கள் நேரடியாகத்தான் மாவீரர் நாள் உரையாற்றுவார் ,இதனை புலிகளின் குரல் உடகம்தான் ஒலிபரப்பு செய்யும் எனவே இந்த நிலையம் மீது தாக்குதல் நடத்திவிட்டால் தலைவரின் மாவீரர் நாள் செய்திகளை மக்களை சென்றடையாமல் தடுக்கலாம் என்ற எண்ணம் .சிங்களத்தின் இந்த புரிதலை புரிந்திகொண்டிருந்த விடுதலைபுலிகளின் தலைமைத்துவம் புலிகளின்குரல் பொறுப்பாளருக்கு சில நடவடிக்கைகள் குறித்து முன்னேற்பாடு மேற்கொள்ளுமாறு அறிவுறுத்த படுகிறது,

அதாவது மாவீரர் நாள் அன்று ,புலிகளின் குரல் மீது விமானப்படை தாக்குதல் நடத்தலாம் என்றும் ,இதற்கமைய பல்வேறு மாற்றங்களை செய்து ஒலிபரப்பினை நடத்துமாறு அறிவிக்க படுகிறது,இதற்கமையவே அன்றைய புலிகளின் குரல் முன்று இடங்களில் தனது ஒலிபரப்பினை நடத்தியது .அதாவது (fm,98,100,103.5 ) இல் ஆகிய அலைவரிசைகளில் வன்னி எங்கும் புலிகளின் குரல் ஒலிக்கிறது .புலிகளின் குரலின் ஆவணங்கள் அன்று இடம்மாற்ற படுகின்றன,அவ்வாறு மர்ருஒலுந்குகல் செயற்பாடுகளில் புலிகளின் குரல் ஈடுபடுகிறது .புலிகளின் குரல் மட்டுமல்ல விடுதலைபுலிகளின் கிளிநொச்சியில் உள்ள முதன்மையாக ஒலியமைப்பு செயலகங்களின் ஆவணங்கள் கூட இடம்மாற்ற படுகின்றது.இதன்போதுதான் மாவீரர் நாளான (27-11-2007 ) அன்று மாலை (4.30 ) மணியளவில் சிறிலங்கா வான்படையின் கிபீர் விமானங்கள் புலிகளின்குரல் நடுவ பணியாக வளாகத்தின் மீது தாக்குதலை நடாத்துகின்றன .அனால் அன்று மாவீரர் நாள் என்றபடியால் மக்கள் பெருமளவில் மாவீரர் துயிலும் இல்லங்களில்,புலிகளின் குரலினை கேட்டுகொண்டே இருந்தார்கள்,புலிகளின் குரல் மீது தாக்குதல் நடந்தும் புலிகளின் குரல் ஒலித்துகொண்டே இருக்கிறது .இத்தாக்குதலில் புலிகளின் குரல் அறிவிப்பளார் இசைவிழிசெம்பியன் உள்ளிட்ட முன்று பணியாளர்களும் வீதியால் சென்றுகொண்டிருந்த எட்டு பொதுமக்களும் உயிர் இழக்கிறார்கள் சிலர் காயங்களுக்கு உள்ளாகிறார்கள்,

எனினும் எதுவித இடையுருகளும் இன்றி அன்று மாவீரர் நாள் நிகழ்வுகளை தாங்கியவாறு புலிகளின்குரல் தொடர்ந்து ஒலித்துகொண்டே இருந்தது ,புலிகளின் குரல் இரவு ( 8.30 ) செய்தியில்தான் புலிகளின்குரல் மீது சிறிலங்கா விமானபடையினர் தாக்குதல் நடாத்திவிட்ட செய்தியே வெளிவருகிறது.புலிகளின் குரல் மீது சிறிலங்கா வான்படை நடாத்திய முதல் தாக்குதல் இதுவல்ல (13 ) வது தாக்குதல் இதுவென்பது குறிப்பிட தக்கது இதை ஊடகத்தை அழிக்கும் செயற்பாடாக சிறிலங்கா அரசு செயற்பட்டதை கானக்குடியதாக இருந்தது,இதே வேலை அன்றைய மாவீரர் நாள் நிகழ்வில் சிறிலங்காவின் போர் வெறியை சுட்டிகாட்டியிருந்த தேசிய தலைவர் “சர்வதேசத்தின் மீது குற்றசாட்டு ஒன்றை நேரடியாகவே சுமத்தினார்.அது தமிழ்செல்வனின் சாவு குறித்து தனது உரையில் “சமாதனத்துக்காக உழைத்த எமது தவப்புதல்வன் தமிழ் செல்வனை சர்வதேசம் சமாதனம் பேசியே சாகடித்திருக்கிறது”என்று குற்றம் சாட்டியிருந்தார் .அமைதி பாதையில் பயணித்த எமது விடுதலை இயக்கத்தின் இதய துடிப்பு வலுக்கட்டாயமாக இழுத்து நிறுத்தியிருக்கிறது.எமது இதயங்களில் இலட்சிய நெருப்பை மூட்டி மறைந்த மாவீரருக்கு ஆண்டுதோறும் விளக்கு ஏற்றும்போது எப்போதும் என்னருகில் இருந்த அன்பு தம்பி தமிழ்செல்வனுக்கும் சேர்த்து இம்முறை என்கையால் ஈகைசுடறேர்ரும் நிலைமையை சர்வதேசம் உருவாக்கி இருக்கிறது.உலகத் தமிழினத்தையே கண்ணீரில் கரைத்து கலங்கியல வைத்திருக்கிறது..

சிங்கள தேசத்தின் சமாதன விரோத போக்கை போர் வெறியை உறுதியோடு கண்டித்திருந்தால் தமிழ்ச்செல்வன் இன்று உயிரோடு இருந்திருப்பான் சமாதானத்திற்கு இப்படியொரு பேரிடி விழுந்திருக்காது,சமாதானத்தின் காவலர்களாக வீற்று இருக்கும் இணைத்தலைமை நாடுகளும் இந்த பெரும் பொறுப்பிலிருந்து தவறியிருக்கின்றன:”என்று சர்வதீசத்தின் மீது தமிழ்செல்வனின் சாவுக்கான குற்றசாட்டை சுமத்தியிருந்தார்.இதே வேளை வன்னியில் விடுதலைபுலிகளின் முகாம்கள் சிறிலங்கா படைகளின் வான்படை தாக்குதல்களுக்கு இலக்காகி கொண்டிருந்தன,மிக நவீன கண்காணிப்பு சாதனங்களுடன் வன்னியை கண்ணில் எண்ணையை விட்டு பார்த்துகொண்டிருந்த சிறிலங்கவிர்காக பார்த்துகொண்டிருந்த வேவு விமானங்களும் விண்வெளிக் கண்களுக்கும் மண்ணை தூவிவிட்டு அனைத்து காரியங்களையும் செய்வது சாத்தியமல்ல,சில நடவடிக்கைகள் நகர்வுகள் அவர்கள் பார்த்துக் கொண்டு இருக்கவே செய்யவேண்டிய நிலை ,இந்த நிலையில் தளபதிகள் மற்றும் பொறுப்பாளர்களின் பாதுகாப்பு கேளிவிக்குறியகிறது.பொறுப்பாளர்கள் தளபதிகள் எல்லோரும் நடவடிக்கைகளுக்கான செயற்பட்டு வசதி கருதி கிளிநொச்சியை மையபடுத்தியே தமது இருப்பிடங்களை தீர்மானிக்கிறார்கள்,

ஏன் தலைவர் அவர்கள் கூட கிளிநொச்சியில் சில இடங்களில் தனது முகாம்களை அமைத்திருந்தார் அங்கு தளபதிகள் போருப்பலர்களுடன் பல சந்திப்புக்களை நடாத்தி இருக்கின்றார்.தலைவர் அவர்களின் குடும்பமும் கனாகம்பிகை குளத்திற்கு அருகில் உள்ள வீடொன்றில்தான் தங்கி இருந்தார்கள்,காரணம் கடைசி மகனின் படிப்பும் ,மகளின் கணனித்துறை படிப்பும் இவர்களை இப்பகுதியில் குடியேற வைத்திருந்தது.இந்த வீட்டில் இருப்பவர்கள் முக்கியமானவர்கள் என்பதை அயலவர்களுக்கு வந்துபோகும் வாகனம் புரிய வைத்திருக்கும்.இதனை தகவலாக கொண்டு கனகாம்பிகை குளத்தில் உள்ள தலைவர் அவர்களின் துணைவி பிள்ளைகளின் வீடு மீது சிறிலங்கா படையினர் வான் தாக்குதலை நடத்துகின்றார்கள் .தாக்குதல் துல்லியமானதாக இருந்தாலும் தலைவர் அவர்களின் துணைவியார் கடைசி மகன் உள்ளிட்டோர் காயங்கள் எதுவுமின்றி தப்புகிறார்கள்,அத்துடன் இத்தாக்குதலின் பின் தங்கள் இருப்பிடங்களை மாற்றுகின்றார்கள்,இருந்தும் தலைவர் அவர்களின் பாதுகாப்பு அணிகள் உள்ள முகாம்களும் அன்று சிறிலங்கா வான் படையின் தாக்குதலுக்கு இலக்காகிறது,இவ்வாறு இருக்கும் போதுதான் அன்று கிளிநொச்சி கனகபுரம் பகுதியில் உருத்திரபுரம் என்னும் பகுதிக்கு இடையில் தமிழீழ தேசிய தலைவர் வந்துபோகும் இடம் ஒன்றும் இருந்தது,இது அப்பிரதேச மக்களுக்கும் சற்று தெரியும்,பிறகென்ன மக்களுக்கு தெரிந்தால் அது ஸ்ரீலங்கா அரசுக்கு தெரிந்த போலத்தான்,உருத்திரபுரம் (10 ) ஆம் வாய்க்கால் என்னும் பகுதியில் தலைவர் அவர்கள் தங்கிநிற்கும் பாரிய முகாம் ஒன்றும் இருந்தது.தளபதிகள் பொறுப்பாளர்கள் அறிந்தவிடயம் அன்று ஒரு நாள் அந்த முகாமிற்கு தலைவர் வந்துவிட்டார் ..அனால் மறுபுறத்தில் கிபீர் விமானங்களும் புறப்பட்டு வன்னி நோக்கி வந்துகொண்டு இருந்தன

மாவிலாறு மகிந்தாவும் முள்ளிவாய்க்கால் பிரபாகரனும் நடந்தது என்ன?

சுழியோடி

-30

சிறிலங்கா விமான தளங்களில் இருந்து கிபீர் மிக போன்ற போர் விமானங்கள் மேல் எழும்பும்போது விடுதலை புலிகளுக்கு தகவல் கிடைத்துவிடும் ,அவ்வாறு விமானங்கள் புறப்பட்டு விட்டால் விடுதலைபுலிகளின் முகாம்களுக்கு விழிப்புநிலை ( அலேட் )வழங்கபட்டு விடும் குறிப்பாக பொறுப்பாளர்கள் உள்ள முகாமில் அலேட் அறிவிக்க பட்டால் அவர்கள் பாதுகாப்பான பதுங்கு குழிக்குள் செல்வார்கள் ,அல்லது முகாமினை விட்டு வெளியே சென்றுவிடுவார்கள்,இவ்வாருதால் போராளிகளும் முகாமை விட்டு வெளியே சென்று அல்லது பதுங்கு குழிக்குள் பாதுகாப்பிற்கான முன்னேற்பாடுகளை செய்து கொள்ளுவார்கள் ,இது பின்பு பொதுமக்களுக்கும் தெரியவந்து விட்டது ,அதாவது அன்று விடுதலை புலிகளின் முதன்மை நிறுவனங்கள் மீது எதிரி தாக்குதல் நடத்துவான் என்ற அச்சத்தால் அங்கு வேலைசெய்யும் பணியாளர்கள் கப்பற படவேண்டும் என்பதற்காக அலேட் கிடைத்தவுடன் அந்த நிறுவனத்தில் பொதுவாக எல்லோருக்கும் கிடைக்ககூடிய வகையில்
மணியோசை எழுப்பப்படும்,இதனை தொடர்ந்து அங்கு வேலை செய்யும் பணியாளர்கள் பாதுகாப்பு தேடுவார்கள் ,அல்லது நிறுவனத்தை விட்டு வெளியே சென்று விடுவார்கள்,இவர்களின் செயற்பாடுகளை மக்கள் அவதானித்து பொதுமக்களும் பாதுகாப்பு தேடிகொள்ளுவார்கள்,இதில் சுவாரசியமான சம்பவம் ஒன்றை இங்கே குறலாம் என்று நினைக்குறேன் ,கிளிநொச்சியின் கரடிபோக்கு சந்திக்கு அருகாமையில் யு ,என் ,எச்,சி,ஆர்,நிறுவன பணிமனைகள் இரண்டு அமைந்திருந்தன,ஒரு நாள் அவ்வழியால் நான் செல்லும்போது அவர்களது பணிமனை மதில்களை சுற்றி ஏராளமான தமிழ் மக்கள் குழுமி நின்றார்கள் ,நான் எனது உந்துருளியினை சற்று நிறுத்தி அங்கு நின்ற ஒருவரிடம் என்ன ஏதும் ஆர்பாட்டமோ? என்று கேட்டேன் அது ஒன்றும் இல்லை கிபீர் அலேட் அறிவித்து இருக்கு அதுதான் பாதுகாப்புக்காக இங்க வந்தனாங்கள் என்றால்,

இவ்வாறுதான் கிபீர் அலேட் கிடைத்தால் அங்கு மக்கள் யு ,என் ,எச்,சி,ஆர்,அலுவலகங்கள் ,உணவுத்திட்டம் கெயார் போன்ற ,ஆரச சார்பற்ற நிறுவனங்களின் வளாகங்களை சுற்றி நிற்பார்கள்.இவ்வாறன இடங்கள் மீது சிறிலங்கா வான்படை தாக்குதல் நடத்த மாட்டார்கள் என்பது அவர்களின் எதிர்பாப்பு,அன்று அவ்வாறுதான் விமானங்கள் வன்னி நோக்கி வருவதாக தகவல் கிடைத்திருந்த நிலையில் முகாம்கள் அனைத்திற்கும் விழிப்பு நிலை ஏற்பனவே கொடுக்கபட்டு இருந்தது.தலைவர் நின்றிருந்த பகுதியை சுற்றியிருந்த முகாம்களுக்கு ( இது சில குறியீடுகளுடன் )முகாம்களின் பொறுப்பாளர்களுக்கு அதியுச்ச விழிப்பு நிலை வழங்க பட்டிருக்கும்,அவ்வாறு விழிப்பு நிலை வழங்கபட்டால் முகாம்கள் சிகப்பு எச்சரிக்கை நிலைக்கு வந்துவிடும் ,தகவல் கிடைத்து ( 10 ) அல்லது (20 ) நிமிடங்களில் வன்னி வான்பரப்பில் கிபீர் விமானங்கள் நுழையும் அனால் எந்த இடத்தின் மீது தாக்குதல்கள் நடக்கும் என்பது தாக்குதல் நடக்கும் வரை பெரும்பாலும் யாருக்கும் தெரியாது,அனால் ,அன்று வன்னி நோக்கிவந்த கிபீர் விமானங்கள் தலைவர் நின்றிருந்த இடத்தையே இலக்கு வைத்திருந்தன ,தலைவர் நின்றிருந்த இடத்தை துல்லியமாக இலக்கு வைத்து தாக்க தொடங்கின ,விமானத்தாக்குதல் குறித்து எச்சரிக்கை ஏற்கனவே வழங்கபட்டு இருந்ததால் தலைவர் அவர்களும் அவரது மெய்பாதுகவலர்களும் பாதுகாப்பான இடங்களுக்கு நகர்ந்து உயிர் தப்புகிறார்கள்,எனினும் கிபீர் விமான தாக்குதல்கள் தலைவர் தங்கிநின்ற இடத்தின் மீது தாக்குதல் துல்லியமாக நடத்தபட்டதால்,தாக்குதல் குறித்து முதன்மை தளபதிகள் மத்தியில் சந்தேகங்கள் எழ தொடங்கின ,விடுதலை புலிகளுக்குள் உடுருவியிருக்கும் கருப்பு ஆடோன்ரின் வேலைதான் என்பது உடனடியாக புரிந்து விட்டது ,யார் அந்த கருப்பு ஆடு என்பதை கண்டுபிடித்து களை புடுங்கவேண்டியது அவசியமாகிறது,இந்த சம்பவம் முக்கிய கவனத்திற்கு எடுக்கபட்டு புலனாய்வுத்துறை பொறுப்பாளர் போட்டு அம்மானின் புலனாய்விர்க்கு உட்படுத்த படுகிறது,இதன்போது சில சந்தேகங்கள் தீர்க்க படுகின்றன,

இதற்க்கு முன்பாக தமிழீழ விடுதலை உணர்வாளரும் தமிழ் தேசிய குட்டமைப்பு நாடளமன்ர உறுப்பினருமான இ .சிவநீசன் அவர்கள் நாடலமன்று அமர்வு முடிந்துவிட்டு கிளிநொச்சி சென்றுகொண்டு இருக்கையில் மாங்குளத்திற்கு அண்மையாக (2008 ) ம் ஆண்டு சிறிலங்கா படையினரின் கிளைமோர் தாக்குதலில் சிக்கி மரணமடைகிறார்,இவ்வாறு மேலும் சிலர் கிளைமோர் தாக்குதல்களில் இலக்கு வைத்து கொல்லபடுகின்றனர்,அத்துடன் அன்றைய நாட்களில் விடுதலை புலிகளின் தளங்கள் மீதான துல்லியமான தாக்குதல்களை சிறிலங்கா படையினர் தொடர்ச்சியாக நடத்தியவண்ணம் இருந்தார்கள் ,எவ்வாறு துல்லியமான தாக்குதல்கள் நடைபெறுகின்றன எவ்வாறு குறிப்பிட்ட நபர்களை இலக்குவைத்து கிளைமோர் தாக்குதலில் கொல்லபடுகிறார்கள் ,என்று பொறுப்பாளர்கள் போராளிகள் மத்தியில் பல்வேறுபட்ட கேள்விகள் எழுகின்றன சட்லைட் சாதனம் உள்ளிட்ட நாடுகள் வன்னியை கண்காணித்து கொடுக்க அதனைக்கொண்டு இலக்குகளை சரியாக தாக்குகிறார்களோ என்ற கேள்வி பலரது மனங்களில் இருந்தது,அனால் உண்மை பெரும்பாலும் அதுவல்ல ,விடுதலைபுலிகளின் புலனாய்வு துறையினை எடுத்துகொண்டால் ,புலனாய்வு துரையின் உள்ளக பாதுகாப்பு அணிக்கு பொறுப்பாளராக காந்தி அம்மான் எனப்படும் காந்தி பொறுப்பாளராக செயற்பட்டுக்கொண்டு இருந்தார்,காந்தி அம்மானின் விசாரணைக்கு ஒரு குற்ராவளி செல்வாராயின் அவர் தன்னை அறியாமலே குற்றங்களை ஒப்புகொள்ளுவார்,இவரது பெயரை சொன்னாலே பலரும் நடுங்குவார்கள்,உள்ளக பாதுகாப்பு பொறுப்பாளரான இவருக்கு தலைவர் அவர்கள் சென்றுவரும் இடங்களும் தளபதிகளின் இருப்பிடங்கள் தளபதிகள் அன்று செல்லும் இடங்கள் குறித்த விபரங்கள் அனைத்தும் தெரிந்திருந்தது,

பெரும்பாலும் தளபதிகள் பயணம் செய்யும் வீதிகளுக்கு பாதுகாப்பு ஏற்பாடுகளை மேற்கொள்ளுவதற்கான பணிகளை மேற்கொள்ளுவதும் இவர்தான் ,அத்துடன் எதிரியின் உடுருபவர்களை கண்டுபிடித்து தீர்வு எழுதுவதும் இவர் பணியாக இருந்தது,சமாதன காலத்தில் வன்னிபகுதி மீது எதிரியின் உடுருவல்களை தடுக்கும் முயற்ச்சியில் இவர் தீவிரமாக ஈடுபட்டவர்,( அதாவது சிவில் நிர்வாகம் உடாக )இவ்வாறு விடுதலைபுலிகளின் நம்பிக்கைக்கும் விசுவசத்திர்க்கும் உரியவராக காந்தி இருந்தார், தலைவரின் அன்றைய பயணத்திட்டத்தை தெரிந்து இருந்தது இவர்தான் இவரின் மீது பொட்டு அம்மனுக்கு சந்தேகம் அதிகமாக வலுத்தது

மாவிலாறு மகிந்தாவும் முள்ளிவாய்க்கால் பிரபாகரனும் நடந்தது என்ன?

சுழியோடி

-31

விடுதலை புலிகளின் நம்பிக்கைக்கும் விசுவாதத்திர்க்கும் காந்தி   மீதுதான் பொட்டு அம்மானுக்கு சந்தேகம் வலுத்திருந்தது ,தலைவரின் அன்றைய வருகையை அறிந்திருந்தவர் அவர்தான் ,எனவே உடனடியாக காந்தி புலனாய்வு துறையினரால் கையது செய்யபட்டு ,சிசாரனைக்கு உட்படுத்த படுகிறார்.இதன்போது என்ன நடந்தது என்பது வெளியில் யாருக்கும் தெரியவரவில்லை ,எனினும் காந்தியின் துரோகத்தனம் குறித்து செய்திகள் கசிய தொடக்கி ,போராளிகள் பொதுமக்கள் மத்தியில் பரவலாக அடிபட தொடங்குகிறது,இதுவரை நடந்த வான் மற்றும் கிளைமோர் தாக்குதலுக்கான காட்டிகொடுப்புக்களை மேற்கொண்டது காந்திதானம் என்று கதை பரவுகிறது ,காந்தி அம்மான் சிறிலங்காவால் விலைக்கு வாங்கபட்டிருக்கலாம் என்ற உணர்வு எல்லோர் மனங்களிலும் தோன்றுகிறது,காந்தி புலனாய்வு துறையினரால் விசாரணைக்கு உட்படுத்த பட்டு சிறைக்கைதி ஆக்கபடுகிறார் ,இவரது வீடு முகாம்கள் தொடர்பு வைத்திருந்தவர்கள் ,
என அனைத்தும் புலனாய்வு துறையால் அலசி ஆராயபடுகிறது,இதற்க்கு சிறிது காலம் எடுக்கிறது ,அதற்குள் போர் தீவிராமக்கபட்டு இருந்தது .இந்த நிலையில் போராட்டத்தின் இறுதி பகுதியில் முல்லிவாய்கால் பகுதியில் காந்தி தனிமைபடுத்தபட்டு வெறுமையாக விடபட்டு இருந்தார் ,தற்போது இவர் சிறிலங்கா இராணுவத்திடம் இருப்பதாக அறியப்படுகிறது,

( 2007 ) ஆரம்பத்தில் மன்னார் நோக்கிய இராணுவ நடவடிக்கையை சிறிலங்கா தொடங்கியது ,மடு பகுதியை ஆக்கிரமித்து ,சர்வதேச ரீதியாக பெரும் வெற்றியை அறிவிப்பதே இதன் முக்கிய நோக்கமாக இருந்தது .மடுபிரதேசம் தொடக்கம் அடம்பன் திருக்கேதீஸ்வரம் வரையான கடல் எல்லைவரை சுமார் (60 ) கிலோமீற்றர் துரம் உள்ளது ,இடையில் பெரும் காடுகள் இவ்வாறன நீளம் கொண்ட பகுதியில் முழுமையான காவலரன்கள் இருக்கவில்லை ,சில பகுத்கள் விடுதலை புலிகளினதோ ,இரனுவத்தினரினதோ காவலரண்கள் அற்ற பகுதிகளாகவே இருந்தன ,மன்னார் காட்டுபகுதி என்பது பெரும்பாலும் கட்டயம்பன் பகுதியை அண்மித்த காட்டுபகுதியாகவே காணப்படுகிறது ,சிறிலங்கா படையினரின் உடுருவல்கள் இப்பகுதிகள் உடாகவே அதிகம் நடைபெறுவது உண்டு ,காரணம் ,விடுதலை புலியளின் முழுமையான காவலரன்கள் இங்கு இல்லை ,இந்த பரப்பை கடந்தால் ,கட்டயம்பன் மடு வீதியினை மையபடுத்தி விடுதலை புலிகளின் சில முகாம்கள் அமைந்திருந்தன ,அதிலுள்ள போராளிகள் துணைப்படையினர் ரோந்து நடவடிக்கையின் மூலம் இந்த வீதி பாதுகாப்பினை உருதிபடுத்துகின்றார்கள்,காலை ,மாலை .இரவு .என முன்று வேளைகளும் வீதி சுற்றுகளில் ஈடுபடுவார்கள் ,இதன்போது சிறிலங்கா படையினரின் ஆழ உடுருவும் படையினர் சென்றதுக்கான தடையங்கள் கண்டுபிடிக்க படும் ,வீதிகளை கடக்கும் போது சில தடயங்களை தங்களையே அறியாமலே அவர்கள் விட்டு சென்றிருப்பார்கள்,அவ்வாறு இருந்தால் உடனடியாக ஆளுடுருவும் அணியினர் விடுதலை புலிகளின் பகுதிக்குள் உடுருவி விட்டார்கள் என்ற தகவல் அனைத்து முகாம்களுக்கும் அறிவிக்க படும் ,

அத்துடன் சிறிலங்கா படையினரின் கால் தடங்களை வைத்து ,சாப்பிட்ட உணவு வகைகளை வைத்தும் ,எத்தனை பேர்கள் சென்றார்கள் ,எந்த திசையில் சென்றார்கள் ,முடிவுகளை பொறுப்பாளர்கள் எடுப்பார்கள்,முகாம்கள் அனைத்திற்கும் விழிப்புடன் செயல்படுமாறு ..வீதி கண்காணிப்புகள் அனைத்தையும் சரிவர மேற்கொள்ளுமாறும் அறிவிக்க படும் ,சில வேளைகளில் இவ்வாறன தடையங்கள் கானபட்டு அடுத்த நாளே களமுனைக்கு பின்னான வீதிகளில் சிறிலங்கா படையினரின் ஆழ உடுருவும் படையினர் கிளைமோர் தாக்குதலை நடத்தினார்கள் ,இவர்கள் கிளைமோர் தாக்குதலை நடத்திவிட்டு குறுகிய நேரத்துக்குள் விடுதலை புலிகளின் எல்லையை தாண்டிவிடுவார்கள் ,இவ்வாறு பயிற்ச்சி பெற்றவர்கள் சில நேரங்களில் இவ்வாறன தடயங்கள் காணப்பட்டு அறிவிக்கபட்டும் ஐந்து ஆறு நாட்களின் பின்பும் மக்கள் மீதும் ,விடுதலை புலிகளின் வாகனங்கள் மீதும் ,தாக்குதலை நடத்திய சம்பவங்களும் இடம்பெற்றன ,இதன்போது மக்கள் பலர் பலியானார்கள் ,விடுதலை புலிகளின் தளபதிகளின் வாகனங்கள் கூட தாக்குதலில் சிக்கி அவர்கள் சாவை தழுவியது உண்டு ,இதில் கேணல் சாள்சின் சாவு விடுதலை புலிகளுக்கு பேரிழப்பை ஏற்படுத்திய ஒரு சம்பவமாக அமைந்தது ,மானார் களமுனை உடாகத்தான் விடுதலைபுலிகளின் தென்பகுதி நடவடிக்கை நடைபெற்று கொண்டிருந்தன , இதற்கான சில நடவடிக்கைகளை

அன்று தளபதி கேணல் சாள்ஸ் மன்னாரில் இருந்து மேற்கொண்டிருந்தார் ,இவ்வாறுதான் (05-01-2008 ) மாலை முன்று மணியளவில் தளபதி சாள்ஸ் அவர்கள் மன்னாரில் இருந்து கிளிநொச்சி நோக்கி தனது வாகனத்தில் புறப்படுகின்றார் ,மன்னார் புநகரி வீதியில் ,முழங்காவில் பகுதிக்கு அண்மையாக ,பள்ளமடுவின் ஒரு காட்டுபகுதியில் சிறிலங்கா படையின் ஆழ உடுருவும் படையினர் ,கிளைமோர் தாக்குதலை நடத்துகிறார்கள் ,இதில் இவரது வாகனம் சிக்கி கொள்ளுகிறது ,சம்பவ இடத்திலையே கேணல் சாள்சுடன் ,மாதிரி கிராமம் ஜெயபுரத்தை சேர்ந்த லெப்,சுகந்தன் ,( 176 ) யோகபுரம் மல்லாவியை சேர்ந்த லெப் வீரமாறன் ,(பரராஜசிங்கம் சுதன்) ஆறுமுகம் வீதி வட்டக்கச்சியை சேர்ந்த லெப் ,காவலன் ( சின்னதம்பி கங்காதரன் ,திரு ,க .முருகவேல் ) ஆகிய முன்று போராளிகளும் வீரச்சாவை தழுவி கொண்டார்கள் ,

மன்னார் மாவட்டத்தில் தொடர்ச்சியாக இவ்வாறான ஆழ உடுருவும் படையினரால் கிளைமோர் தாக்குதல்கள் நடத்தபட்டு விடுதலை புலிகளின் நடமாட்டங்கள் முடக்க படுகின்றன,எனினும் இவற்றுக்கு மத்தியிலும் அன்று களமுனைகளுக்கு தேவையான ஆயுத தளபாடங்கள் ,உணவு பொருட்கள் ,காயம் அடைந்த போராளிகளை நகர்த்துதல் ,பொறுப்பாளர்களின் நகர்வு என்பன நடைபெற்று கொண்டிருந்தன ,மன்னார் மடு பகுதி தளபதி ஜெயம் அவர்களின் கிழ தளபதி பல்லவன் ,தளபதி கோபித் ,மற்றும் மாலதி படையணி போராளிகளும் ,அடம்பன் பகுதியின் தளபதி பானுவின் கீழ் இடைநிலை தளபதிகளான லக்மன் .கயன் , தளபதி கீதன் ,தளபதி மங்களேஸ்,ஆகியோர் கட்டளை தளபதிகளாக இருந்து செயற்பட்டார்கள்,இதேவேளை மன்னார் மாவட்டத்தின் கட்டளை பகுதி ஒன்றினை புநகரி படைப்பிரிவு பொறுப்பெடுத்து இருந்தது ,இதற்க்கான சிறப்பு தளபதியாக கேணல் ஈழபிரியன் செயல்பட்டுக்கொண்டு இருக்கையில் தளபதியாக லெப் கேணல் கீதன் செயற்படுகிறார்