வங்காளதேசத்துக்கு எதிரான 3–வது மற்றும் கடைசி ஒருநாள் போட்டியிலும் வெஸ்ட் இண்டீஸ் வென்று ‘ஒயிட்வாஷ்’ செய்தது. முதலில் விளையாடிய வெஸ்ட்இண்டீஸ் 7 விக்கெட் இழப்புக்கு 338 ரன் குவித்தது. ராம்தின் 121 பந்தில் 169 ரன்னும் (8 பவுண்டரி, 11 சிக்சர்), டாரன் பிராவோ 127 பந்தில் 124 ரன்னும் (7 பவுண்டரி, 8 சிக்சர்) எடுத்தனர். அமின் உசேன் 4 விக்கெட் கைப்பற்றினார்.
பின்னர் விளையாடிய வங்காளதேச அணியால் 8 விக்கெட் இழப்புக்கு 247 ரன்னே எடுக்க முடிந்தது. இதனால் வெஸ்ட்இண்டீஸ் 91 ரன்னில் அபார வெற்றி பெற்றது. கேப்டன் முஸ்பிகூர் ரகீம் 72 ரன்னும், தமிம் இக்பால் 55 ரன்னும் எடுத்தனர். ராம்பால் 4 விக்கெட் கைப்பற்றினார்.
இந்த வெற்றி மூலம் வெஸ்ட்இண்டீஸ் 3–0 என்ற கணக்கில் தொடரை வென்றது. இரு அணிகள் இடையேயான ஒரே ஒரு 20 ஓவர் ஆட்டம் நாளை நடக்கிறது.