விறுவிறுப்பான கட்டத்தை எட்டியுள்ள விம்பிள்டன் டென்னிஸ் தொடரில் ரஷ்யாவின் முன்னணி வீராங்கனை மரியா ஷரபோவாவை வீழ்த்திய ஜெர்மனி வீராங்கனை ஏஞ்சலிக் கெர்பர், காலிறுதியில் தோல்வியடைந்து வெளியேறினார்.
இன்று நடைபெற்ற காலிறுதி ஆட்டத்தில் கனடாவின் பவுச்சர்டுடன் கெர்பர் மோதினார். அபாரமாக ஆடிய பவுச்சர்ட் 6-3, 6-4 என்ற நேர்செட்களில் எளிதாக வென்று அரையிறுதிக்கு முன்னேறினார்.
முன்னதாக நடைபெற்ற மற்றொரு காலிறுதி ஆட்டத்தில், ரோமானிய வீராங்கனை ஹாலெப், ஜெர்மனி வீராங்கனை லிசிக்கியை 6-4, 6-0 என்ற நேர்செட்களில் வென்றார்.