வங்கிப் பரிவர்த்தனைகள் முதல் வழிகாட்டுதலுக்கும் கூட ஸ்மார்ட் போனில் ஆப்ஸ்கள் பயன்படுகின்றன.

குழந்தைகளின் அறிவுத்திறனை வளர்ப்பதற்கும் பல ’ஆப்’கள் தொடர்ந்து அறிமுகப்படுத்தப்பட்டு வருகிறது.

Write My Name

இந்த ஆப் மூலமாக குழந்தைகளுக்கு வேடிக்கையான முறையில் ஆங்கில எழுத்துக்களின் Upper Case, Lower Case கற்றுக்கொடுக்கலாம்.

4 முதல் 6 வயது வரையுள்ள குழந்தைகள் தங்களின் பெயர்களையும் எழுதி பழக இயலும்.

உபயோகிக்கும் முறை

இதில் ஆங்கில எழுத்துக்களும், நாம் பார்க்கும் பொருள்களில் 100 பொருள்களின் பெயர்களும் பதிந்து வைக்கப்பட்டிருக்கும்.

இதன் மூலம் குழந்தைகள் தங்களின் பெயர்களையும், பொருள்களின் பெயர்களையும் எழுதி பழக இயலும்.

ஆங்கில எழுத்துக்களின் அட்டவணையின் மூலமாக ஒரு பொருளின் எழுத்துக்களை சரியாகக் கண்டறியும் போது விதவிதமான வண்ணங்களில் அந்த சொல்லானது திரையில் குழந்தைகளை ஈர்க்கும்வண்ணம் காட்டப்படும். அத்துடன் புகைப்படங்களையும் இணைத்துக் கொள்ள முடியும்.

இரண்டாம் முறை அதே வார்த்தையினை கண்டறியும் போது அதற்காக மதிப்பீடு வழங்கப்படுகிறது. இதன் மூலமாக குழந்தைகள் உற்சாகப்படுத்தப்படுகின்றனர்.

குறிப்பாக இதில் தேவையற்ற விளம்பரங்கள் காட்டப்படாது. பெற்றோர் மூலமாக குழந்தைகள் பயன்படுத்தும்வண்ணம் அமைக்கப்பட்டிருப்பதால் பாதுகாப்பானதாகும்.