மகிந்தஇராஜபஸ்கவுடன் சேர்ந்து கொலை கொள்ளை பாலியல் செய்யவே லயக்கானவர் முதலமைச்சர் விக்ணேஸ்வரன் இந்த முதலமைச்சர் விக்கிணேஸ்வரன் யார் ஏன் பெண்கள் விடையத்தில் அடிமையாகினார் இவரை அடிமையாக வைத்தது யார்? என்கின்ற கேள்விகளுக்கு விடை காணுவதற்கு முன்பு இவரின் பாலியல் குரு யார் என்பது பற்றியும் அவருக்கும் இவருக்கும் தொடர்பு என்ன என்பது பற்றியும் பார்ப்பது சிறந்தது
Video: 2011ல் பிரேமானந்தா விக்னேஸ்வரனிடம் கொடுத்த இரண்டு பொறுப்புக்கள்! திட்டமிட்டே செய்யப்பட்ட அரசியல் பிரவேசம்??
இப்போது பார்வைக்கு எட்டியுள்ள இந்த ஒளிப்பதிவில், 2011ம் ஆண்டு பரோலில் (பாதுகாப்புடனான நிபந்தனைக்குட்பட்ட விடுப்பில்) இரண்டு நாட்கள் சிறையிலிருந்து ஆச்சிரமத்திற்கு வந்த பிரேமானந்தா நேரடியாகவே இலங்கையில் தனது மாநாடு நடத்தும் பொறுப்பை திரு. விக்னேஸ்வரன் அவர்களிடம் ஒப்படைக்கின்றார்.‘துர்க்காணந்தா’ என்கிற பெரும்பாண்மை இனத்தைச் சேர்ந்த தனது சீடனும், ‘விக்னேஸ்வரனும்’ தான் நினைத்தைச் சாதிப்பார்கள் என்று பிரேமானந்தா கூறுகின்றார். 2011ல் இந்த விடயம் நடந்து சில மாதங்களிலேயே பிரேமானந்தா இறந்தாலும் அவர் கூறியதற்கும் மேலாக பிரேமானந்தாவின் கோரிக்கையை திரு. விக்னேஸ்வரன் நிறைவேற்றுகின்றார் என்பதைச் சம்பவச் சாட்சியங்கள் கூறுகின்றன.
மகிந்த ராஜபக்சா தனக்கு நல்ல நண்பரென்றும், தான் அவருடன் ஆண்மிக ரீதியில் மாத்திரமே தொடர்புகளை இன்றுவரைப் பேணுவதாகவும், தன்னை இலங்கைக்கு எடுத்து அங்கே விடுவிக்க மகிந்த பல வழிகளைத் தெரிவிதத்தாகவும் பகிரங்கமாகக் கூறுகின்றார். மகிந்த செய்கின்ற அரசியல் பற்றியெல்லாம் தனக்கு அக்கறையில்லையென்று கூறுகின்றார். அதனை திரு.விக்னேஸ்வரனும் ஆமோதிக்கின்றார்.
பிரேமானந்தா தெரிவிக்கின்ற முக்கியமான தகவல் “எனது இந்தச் சொத்துக்கள் அனைத்தும் இலங்கையின் தமிழ்ப் பகுதியிலே இருக்கின்றன.” “விக்னேஸ்வரன் இவற்றைப் பார்த்துக் கொள்வார்”. “துர்க்காணந்தா சொல்கிறார், விக்னேஸ்வரனை என்னோடு இணைத்து விடுங்கள், மிகுதியை நாங்கள் இரண்டு பேரும் பார்த்துக் கொள்கின்றோம்”. ஒளிப்பதிவின் 5வது நிமிடத்தில் தமிழிலிருந்து உரையாடல் சிங்களத்திற்கு ஒரு சில விநாடிகளிற்குச் செல்கின்றது.
திரு. விக்னேஸ்வரனிடம் இரண்டு உறுதிமொழிகளை பிரேமானந்தா கேட்கின்றார். முதலாவது இலங்கையில் தங்களது மாநாட்டை நடத்துவது, இலங்கையில் பிரேமானந்தா ஆச்சிரம சர்வதேச மாநாட்டை நடத்த வேண்டுமென்று கோரி அதனை இவரால் தான் முடியும் என்றும் கையளிக்கின்றார்கள்.
இரண்டாவதாக தன்னுடைய “பூபாலகிருஸ்ணா நம்பிக்கை நிதியத்தை” பார்க்கும் பொறுப்பையும் கையளிக்கின்றார். அதிலும் தனது நிதியத்திற்குள்ள சொத்துக்களைப் பற்றி குறிப்பிடும் பிரேமானாந்தா அவற்றைப் பராமரிக்கும் பொறுப்பை திரு. விக்னேஸ்வரனிடம் ஒப்படைக்கின்றார்.
இவற்றையும் இதனை விட மேலும் பலவற்றையும் இந்த 10 நிமிட ஒலிப்பதிவில் பார்க்க முடியும்.
வவுனியாவில் வசித்து அமரத்துவமடைந்த “எஸ்டேட் பொன்னம்பலம்” என்பவர் காணிகளைக் கையளித்துள்ளதாகச் சொல்கின்றார். அது தான் இப்போது புளியங்குளத்தில் விக்னேஸ்வரன் ஆரம்பித்துள்ள பிரேமானந்தா ஆச்சிரமம் அமைந்துள்ள இடமாகும்.
அதிலும் அந்த நம்பிக்கை நிதியத்திற்கு விக்னேஸ்வரன் பல சொத்துக்களை கையளித்திருக்கின்றார் என்று இந்த ஒளிப்பதிவில் தெரிவித்திருக்கின்றார் அமரர் பிரேமானந்தா.
பிரேமானந்தாவின் பேச்சை ஆங்கிலத்தில் மொழிபெயர்க்கும் பணியை திரு.விக்னேஸ்வரன் 1983ல் இருந்து வருடந் தவறாமல் இந்தியா சென்று 2011ம் ஆண்டுவரை செய்து வந்திருக்கின்றார். ஒவ்வொரு வருடமும் பிரேமானந்தா பரோலில் parole சிறையிலிருந்து ஆச்சிரமம் வரும்போதும் விக்னேஸ்வரன் அங்கு சென்று அவருடன் தங்கியிருப்பார்.
2009ம் ஆண்டு மே மாதம் 4ம் திகதி பரோலில் வந்த போதும் தனது உரையை வழங்குகின்றார். திரு. விக்னேஸ்வரனே 50 நிமிடங்கள் மொழிபெயர்க்கின்றார். தமிழர்கள் 1 லட்சம் பேருக்கு மேல் கொல்லப்பட்ட ஆண்டாக ஐக்கிய நாடுகளவை தெரிவிக்கும் 2009ம் ஆண்டு இன அவலம் உச்சம்பெற்றிருந்த மே மாதத்தில் நடக்கும் நிகழ்வில் இன அவலத்தைப்பற்றி எந்தவொரு குறிப்பிடலுமில்லாமல் அந்தப் பேச்சு முடிவுபெற்றது.
“நான் செய்து முடிப்பேன்” என்ற உறுதிமொழியைக் 2011ல் கொடுத்த திரு.விக்னேஸ்வரன், பிரேமானந்தா இறந்த பிறகு “பொட்டு” வைக்கத் தொடங்குகின்றார். அதாவது பிரேமானந்தா பொட்டு வைப்பது போல, கண்ணின் இரு புருவங்களுக்கும் மத்தியிலான பொட்டு வைத்தலைப் பின் பற்றுகின்றார்.
இப்போது இந்த விவகாரத்தை நாங்கள் அரசியலுடன் தொடர்பு படுத்திப் பார்க்க வேண்டிய தவிர்க்க முடியாத சூழ்நிலை ஏற்பட்டுள்ளது. 2013ல் அரசியலிற்குள் வருகின்றார். துர்க்காணந்தாவின் வழிகாட்டுதல் தான் இதற்குக் காரணமாக இருக்கலாம். 2014ல் பிரேமானந்தா சொல்லியதை நிறைவேற்றுகின்றார். புளியங்குளத்திற்கு பல மேல்நாட்டவர் உள்ளிட்ட பிரேமானந்தாவின் பக்தர்களைக் கூப்பிடுகின்றார். கோவிலொன்றைக் கட்டுகின்றார். தானே திறந்தும் வைக்கின்றார். பிரேமானந்தா விரும்பிய சர்வதேச மாநாட்டை நடாத்துகின்றார். இந்தியப் பிரதமர் மோடிக்குக் கூட உத்தியோகபூர்வக் கடிதத் தலைப்பில் பாலியல் கற்பழிப்புக்கள், கொலைகள் ஆகியவற்றுக்கு ஆயுள் தண்டனை விதிக்கப்பட்டுள்ள நால்வரை விடுவிக்குமாறு கடிதம் எழுதுகின்றார்.
பிரேமானந்தாவின் கோரிக்கையின் பிரகாரம் அவரது நிதியத்தையும் திரு.விக்னேஸ்வரனே இப்போது பராமரித்து வருகின்றார் என நம்பப்படுகின்றது. பிரேமானந்தா கட்டளையிட்டதை போல தமிழ்ப் பகுதிகளில் உள்ள சொத்துக்களை பராமரிக்கின்றார். சம்பந்தனுடன் கூட விக்ணேஸ்வரன் நெருக்கமாக வரலாம் காரணம் நிலாவெளியில் உள்ள பிரேமானந்தாவின் சொத்தொன்றைப் பராமரிக்க வேண்டிய தேவை எழுந்திருக்கின்றது.
ஆக, முதலமைச்சராக திரு.விக்னேஸ்வரன் அரசியலிற்கு வந்ததே பிரேமானந்தாவின் இரண்டு கோரிக்கைகளையும் நிறைவேற்றவா என்ற கேள்வி தவிர்க்க முடியாதபடி எழுகின்றது. முதல்வர் பதவியை இவர் தவறாகப் பயன்படுத்துகின்றாரா என்ற கேள்வியும் எழுகின்றது. அதிலும் புளியங்குளத்தில் அமைந்துள்ள ஆச்சிரமத்தையொட்டிய பணிகளிலேயே இவரது அதிக கவணம் செல்கின்றது என்பதோடல்லாமல்,
வவுனியாவில் வைத்துத்தான் அரச உத்தியோகத்தர்கள் மீது முதல்வர் கடுமையாகக் கோபமடைந்தார். அது கூட வவுனியா, புளியங்குளம் போன்ற இடங்களிலிருந்தும் ஆச்சிரம் சார்ந்த இடங்களிற்கான தேவைகளைப் பெறுவதற்கா என்ற கேள்வியும் எழுகின்றது. கீழேயுள்ள இணைப்பு முதலமைச்சர் வவுனியாவில் அரச அதிகாரிகளின் மீது கோபப்பட்டு வெளியிட்ட செய்தி.
எனவே முதல்வர் தான் அரசியலில் இருக்கும் வரை “ஆச்சிரப்பணிகளிலிருந்து” தற்காலிகமாக விடுவித்துக் கொள்ள வேண்டும். சேர். பொன். இராமநாதன், சேர்.பொன். அருணாச்சலம் ஆகியோரின் ஒன்றுவிட்ட சகோதரனின் பேரரான விக்னேஸ்வரன் தமிழர்களின் வரலாற்றில் பழிச்சொல் ஏற்கக்கூடாது என்பது எங்களின் ஆதங்கம்.
முதல்வர் விக்னேஸ்வரன் தமிழர்களிற்கு தேவையானவர். தமிழ்த் தேசியக் கூட்டமைப்பிற்குத் தேவையானவர். முதல்வரிற்கான வேட்பாளராக அவர் எந்தவித முற்கூட்டிய அரசியல் பங்களிப்புமின்றே தெரிவு செய்யபடுவதற்கே அவர் வகித்த உயர்நீதிமன்ற நீதியரசர் என்ற பதவி கூடக் காரணமாயிற்று.
78 வயதில் அவர் தனது முதல்வர் பதவிக்கான பணிகளை நிறைவேற்ற முனைவதும், வடக்கின் முகமாக இருப்பதும் மறுக்கப்பட முடியாத ஒரு தேவை. ஆனால் அவர் தமிழர்களின் ஒற்றுமையின் சிதைவாக, அவரை அப்பாவித்தனமாக நம்பவைத்து சிலர் முயற்சிக்கின்றார்கள் என்ற குற்றச்சாட்டுப் பலமாக உண்டு.
இவற்றிலிருந்து தன்னைத் தவிர்த்து, “நான் ஒரு அரசியல்வாதியல்ல, மக்களிற்கான சேவையாளனாக இருந்து வருகின்றேன்” என்பதை நிரூபிக்க அவர் இயன்றளவு முயன்று வந்தாலும் இந்திய நீதிமன்று திரு.விக்னேஸ்வரனை “யதார்த்திற்குப் புறம்பான சிந்தனையாளராக” wishful thinker எனக் குறிப்பிட்டதானது, அவர் அவ்வாறான ஒரு ‘போலி ஒளிவட்டநிலையில்’ இருந்து வருகின்றாரா என்ற கேள்வியே எங்களிற்கு கீழ்க்காணும் ஒளிப்பதிவு நடாவைப் பார்த்த போது ஏற்படுகின்றது.
ஒருவர் “யதார்த்திற்குப் புறம்பான சிந்தனையாளராக” இருந்தால் அவர்கள் களநிலைமையிலிருந்து வேறுபட்டு, யதார்த்ததிலிருந்து அந்நியப்பட்டு, தாங்கள் நினைப்பதையே உண்மையாக எண்ணி, அல்லது எதிர்காலத்தில் ஏற்படும் என அறுதியாக நம்பி அதன் வழியே பயணிப்பார்கள் என்பதே மிகவும் ஆபத்தான உண்மையாகும்.
கனடா போன்ற வெளிநாடுகளில் அவரது உத்தியோகபூர்வக் கணக்கில் வராமல் சேர்க்கப்படும் பணம் கூட அவரது குருவான பிரேமானந்தா மீதான நம்பிக்கை சார்ந்த செயல்களிற்குச் “பூபாலகிருஸ்ணா நம்பிக்கை நிதியத்திற்கே” செல்கின்றது என்ற சந்தேகம் ஏற்பட வாய்ப்புண்டு.
வடக்கு மாகாணம் 35விழுக்காடு கிறிஸ்தவர்களையும், முஸ்லீம்களையும், பௌத்தர்களையும் கொண்டது. எனவே அந்தப் பிரதேசத்தை ஆளும் முதல்வர் தமிழர்களின் முதல்வராக இருப்பார் என்ற நம்பிக்கையில் அவரோடு பயணிப்போம்.
மாங்குளத்தில் கோவில் கொண்டுள்ள “பிரேமானாந்தா”! “வட-கிழக்கின்” தலைநகருக்கு முதல்வர் விக்கி தந்த பரிசு!
மாங்குளத்தில் தான் அமரர் பிரேமானந்தா சுவாமிக்கு கோவிலை முதலமைச்சர் திரு. விக்கிணேஸ்வரன் ஆரம்பித்துள்ளார். ஒரு சாதாரண குடிமகனாக திரு. விக்கிணேஸ்வரன் இருந்திருந்தால் இவ்வாறு செய்வதை யாரும் கருத்திலெடுக்கக்கூடாது. ஆனால் அவர் வடமாகாணத்தைப் பிரதிநிதித்துவப்படுத்துகின்ற அதிகாரமுள்ளவர்.
எனவே அவரது முதல்வர் அதிகாரம் இந்த மாங்குளம் கோவில் விவகாரத்தில் ஏதேனும் ஆதிக்கத்தைச செலுத்தியதா? அந்தக் கோவில் அமைந்துள்ள இடம் அரச காணியா? அந்தக் கோவிலிற்கு நியமிக்கப்பட்டுள்ள அந்தணருக்கு யார் பணம் கொடுக்கின்றர்கள்? இந்தக் கோவிலை நோக்கி வெளிநாட்டவர்கள் வரவழைக்கப்படுவதற்கு முதல்வர் உசாத்துணையா? என்பனவே கேள்விகளாக இருக்க முடியுமே தவிர,
யார் யாரை வழிபடுகின்றார்கள். அவர்களது நம்பிக்கை என்ன என்பதெல்லாம் நாங்கள் எங்கள் கருத்தாகத் திணிக்க முடியாது. வடக்கிலும் ஒரு சாமிப்பரம்பரை இருந்திருக்கின்றது. கொழும்புத்துறை சுவாமியார் என்கிற யோகர் சுவாமி வரை நீண்டு சென்ற அந்த அடி சற்றே வித்தியாசமானது. அவர்கள் எப்போதுமே பணத்தைச் தேடிச் சென்றவர்களல்ல.
மத நம்பிக்கையென்பது மனிதர்களைச் சார்ந்தது. அதில் தலையிடும் உரிமை யாருக்கும் இல்லை. அதே கனம், மரியாதை முதல்வர் விடயத்திலும் கொடுக்கப்பட்டு இந்த விவகாரத்தை மிகவும் அவதானமாகப் பார்க்க வேண்டும். ஏனென்றால் முதல்வர் தனது அதிகாரங்களை தனது இச்சைகளிற்காகப் பயன்படுத்துகின்றார் என்ற குற்றச்சாட்டுக்கள் பலமாக எழுகின்றன.
பிரேமானந்தாவைக் யாழ்ப்பாணத்தில் குறிப்பாக சுண்ணாகத்திலும், மானிப்பாயிலும் பலருக்கும் தெரியும். “மாத்தளைச் சாமியார்” என்று தான் அவர் அப்போது அழைக்கப்பட்டார். நீதிபதி விக்கிணேஸ்வரன், டாக்டர் சந்திரா, பொறியியலாளர் கமலநாதன் என இன்னபல பல படித்த வட்டங்களே அவரோடு அப்போது (1980க்களின் ஆரம்பத்தில்) கொழும்பிலிருந்து வருவார்கள். சில நாட்கள் தங்கிப் பஜனை, பூசைகளில் ஈடுபடுவார்கள். பிறகு திரும்பிச் சென்றுவிடுவார்கள்.
ஆனால் 1983 இனக்கலவரம் அவர்களைப் புரட்டிப் போட்டது. புதுக்கோட்டை விராலிமலைப் பிரதேசத்திலுள்ள பாத்திமா நகரில் ஆச்சிரமத்தை ஆரம்பித்து இந்திய அரசியல் வட்டாரங்களில் கூட ஒரு அதிர்வலையை ஏற்படுத்தியவர். அவரது ஆச்சிரமத்தில் ரவி என்ற ஒரு பொறியிலாளர் இருந்தார். அவர் கொலை செய்யப்பட்டதாக அவரது தாயார் கொடுத்த புகரே பிரேமானந்தாவின் அத்தியாத்தை தலைகீழாகப் புரட்டிப் போட்டது.
நடந்த சம்பவங்கள் துர்ப்பக்கியமானவை. ஆனால் 1980க்களின் ஆரம்பத்தில் நீதிபதியாக இருந்தவர் இன்று முதலமைச்சர் என்ற பதவியில் இருந்தவாறே இந்தக் கோவிலை அமைக்குமு; விவகாராத்தில் சிறிதளவு தானும் தனது அதிகாரத்தை மறைமுகமாகப் பாவித்திருக்கின்றார் என்ற குற்றச்சாட்டை கம்பவாரிதி ஜெயராஜ் பகிரங்கமாகவே பகிர்ந்திருக்கின்றார்.
அதிலும் முதல்வரின் இரத்த உறவினரான நிமலன் என்பவரே அவரை “;தனது பிடிக்குள் வைத்துக் கொண்டு” வழிநடத்துகின்றார் என்பதையும் கம்பவாரிதி ஜெயராஜா உள்ளிட்ட அகிலமே தெரிவிக்கின்றது. எனவே முதலமைச்சர் பதில் வழங்க வேண்டிய சந்தர்ப்பம் நெருங்கி வந்து விட்டது. கம்பவாரிதி கலாநிதி ஜெயராஜ் குறிப்பிட்டுள்ளது போல,
முதல்வர் விக்னேஸ்வரன் அவர்கள் இந்தியாவில் சாட்சியங்களின் அடிப்படையில் நிரூபிக்கப்பட்ட பல விடயங்களை நம்ப மறுக்கின்றார். குறிப்பாக ஆச்சிரமத்தில் ரவி என்கிற யாழ்ப்பாணத்தைச் சேர்ந்த பொறியிலாளர் பெண்கள் மீதான கற்பழிப்பைத் தட்டிக் கேட்க முனைந்து அங்கே கொண்று புதைக்கப்பட்டதையும்,
அவரின் தாயார் கொடுத்த புகாரே பிரேமானந்தாவின் ஆச்சிரமத்தில் இடம்பெற்ற பல விடயங்களைக் வெளிக் கொணாந்தது என்பதையும், பிரேமானந்தாவின் சகபாடிப் பெண்ணான கமலாணாந்தாவிற்கு இரட்டை ஆயள் தண்டனை விதிக்குமளவிற்கு அவர் பிரேமானந்தாவுடன் இந்தக் குற்றங்களில் ஈடுபட்டதையும்,
கற்பழிக்கப்பட்ட யாழ்ப்பாணத்தைச் சேர்ந்த 13 பெண்களில் மூவர் பதின்ம வயதிற்கு கீழ்ப்பட்டவர்கள் என்பதையும் தடயச் சாட்சியங்களுடன் நிரூபிக்கப்பட்தையும்,வைத்தியரான சுண்ணாகத்தைச் சேர்ந்த சந்திராதேவிக்கு 13 பெண்களிற்கும் கருக்கலைப்புச் செய்ததற்காக 10 வருடங்கள் தண்டனை விதித்ததையும் நம்ப மறுக்கின்றார்.
குறிப்பாக புதுக்கோட்டை நீதிமன்றம் 1997ல் விதித்த தீர்ப்பையும் அதனை 2002ல் தமிழ்நாடு உச்சநீதிமன்றம் உறுதி செய்ததையும், 2005ல் இந்திய நீதிமன்றம் அதனை ஆணித்தரமாக நிரூபித்ததையுமு; அவர் நம்பமறுக்கின்றார். மோடிக்கு தான் எழுதிய கடிதத்தில் கூட பிரேமானாந்தாவின் வழக்கு “ஒரு சோடிக்கப்பட்ட வழக்கு” என எழுதி கையெழுத்திட்டிருக்கின்றார்.
இது அவர் ஒரு நாட்டின் உச்ச நீதிமன்ற நீதிபதியாக இருந்தார் என்பதை விட அதற்கான தகுதியையும் தராதரத்தையும் பேணுகின்றாரா என்பதை விட இன்றுவரை அவர் வழங்கிய தீர்ப்புக்கள் எல்லாம் அறநீதி தழுவியவையாக இருந்திருக்குமா என்ற கருத்தையும் ஏற்படுத்தியிருக்கின்றது.
இவையணைத்தும் திரு.விக்ணேஸ்வரன் என்கின்ற தனிமனிதனின் விருப்புகளிற்கு உட்பட்ட நடவடிக்கையாக நேற்றுவரை இருந்து வந்தன. ஆனால் அவர் முதலமைச்சரான பிறகும் அவர் தனது அதிகாரத்தை இந்த விடயத்தில் எவ்வாறு பாவிக்கின்றாரா என்பதை ஆராய வேண்டும்.
அத்தோடு முதல்வராகப் பதவியேற்று முதலாவது தடவையாக கண்ணப்பன் பல்கலைக்ககழகத்தில் நினைவுப் பேருரை நிகழ்த்த தமிழ்நாடு சென்ற விக்னேஸ்வரன் முதலாவதாக தரிசித்த இடம் யாதென்றால், அது புதுக்கோட்டையில் அமைந்துள்ள அமரர் பிரேமாநந்தா அவர்களின் ஆச்சிரமேயாகும். அங்கு சென்று வணங்கிய பின்னரே தனர் அடுத்த பணிகளை கவணிக்க நீதிபதி விக்னேஸ்வரன் ஆரம்பித்தார்.
எனவே அவரது மன நம்பிக்கையென்பது அப்பழுக்க முறையில் செல்வதை அவரது துணிவின் மீதான பற்றுதலேயாகும். மறுபக்கமாக 1983ல் ஏற்பட்ட இனப் போராட்டம் மீதான வெறுப்பு இவர்கள் அனைவருக்குமே இருந்தது அதற்கான காரணம் யாதென்றால், இனப்பிரச்சினை காரணமாகவே இவர்கள் தமிழ்நாட்டிற்கு இடம்பெயர வேண்டிய தேவை இருந்ததும், அப்படிச் சென்ற இடத்தில் தாங்கள் பழிவாங்கப்பட்டதாக இவர்கள் நினைப்பதும்.
அண்மைய காலங்களில் முதலமைச்சர் மிகச்சாதரணமாவே பொய்பேசும் ஒருவராக மாறிவிட்டார். தான் ஐக்கிய நாடுகளைவைக்கு எழுதிய கடிதம் பற்றியோ, நிமலனை கொழுத்த சம்பளத்திற்கு ஐக்கிய நாடுகளவை வேலைக்கு அமர்த்த வேண்டுமென்ற காரணத்தினாலோ பல நூறு கோடிகளை இழந்ததை ஏற்க மறுக்கின்றார்.
நாங்கள் ஐக்கிய நாடுகளவைக்கு முதல்வர் அனுப்பிய கடிதத்தின் பிரதியை “தகவலறியும் சட்டத்தின் கீழ்” பெறுவது சுலபம் ஆனால் அது அவர் மீதான மதிப்பைக் கீழிறக்கும். எனவே முதல்வர் உண்மை பேசி செய்வதை சொல்பவராக வாழ வேண்டும்.
மறுபக்கமாக நாங்கள் பிரேமானந்தாவின் தமிழ்நாட்டு வாழ்க்கையில் ஏற்படுத்தப்பட்ட கபட நாடகங்கள் பற்றியதொரு பார்வையை வெளிக்கொணரும் போது தற்போதைய தமிழ்நாட்டு அரசியலையே குலுக்கி போட்டு விடுமளவு கனதியானது. பொறுத்திருங்கள்….
சமுதாய இழிவுக்கு சாமரம் வீசும் வடக்கு முதலமைச்சரின் ஆன்மீக வேடம்.
கிரிமினல் சுவாமி பிரேமானந்தாவின் சீடர்களுக்கு வக்காளத்து வாங்கி முதலமைச்சர் சி.வி. விக்கினேஸ்வரன் பிரதமர் மோடிக்கு கடிதம் எழுதியதன் நோக்கம் என்ன??
சமுதாய இழிவுக்கு சாமரம் வீசும் வடக்கு 
முதலமைச்சரின் ஆன்மீக வேடம்.
திருச்சி பாத்திமா நகரில் பிரேமானந்தா ஆஸ்ரமத்தில் இடம்பெற்ற பாலியல் வன்புணர்வு மற்றும் கொலைக் குற்ற வழக்கில் பிரேமானந்தாவுடன் தண்டனை விதிக்கப்பட்டுள்ள நான்கு குற்றவாளிகளை விடுதலை செய்ய வேண்டும் எனக்கோரி இந்தியப் பிரதமர் நரேந்திர மோடி அவர்களுக்கு வட மாகாண முதலமைச்சர் விக்கினேஸ்வரன் கடிதமொன்றை (15.03.2014)அண்மையில் அனுப்பி வைத்திருக்கின்றார்.
அவரது அரசியல் வருகையின் போது அவர் மெத்தப்படித்த நீதிமான் என்று எல்லோரும் நம்பினர். பாழ்பட்டுகிடக்கும் சாமானிய மக்களின் வாழ்வில் பால் வார்ப்பார் என்று132255மக்கள் அவருக்கு வாக்களித்தனர்.
அவரோ முப்பது வருட யுத்தத்துக்கு பின்னர் உருவான ஒரேயொரு தீர்வான மாகாணசபையினை சேடமிளுக்கும் நிலைக்கு தள்ளிவிட்டு தன் ஆன்மீக குருவான பிரேமானந்தா என்னும் பாலியல் வன்புணர்வு படுகொலை குற்றவாளிகளுக்கு பஜனை செய்வதிலேயே கண்ணும் கருத்துமாக இருக்கின்றார்.
இதன்காரணமாகவே “பிரேமானந்த ஆச்சிரமத்தில் இடம்பெற்ற பாலியல் வன்புணர்வு படுகொலை வழக்கில் இரட்டை ஆயுள் தண்டனை விதிக்கப்பட்ட ஆசாமிகளை விடுதலை செய்யுமாறு முதலமைச்சர் இந்திய பிரதமருக்கு கடித்தத்தினை எழுதியுள்ளார்.
பிரேமானந்தாவுடன் தண்டனை விதிக்கப்பட்ட கமலானந்த பாலேந்திரன சதீஸ்குமார் ஆகிய மூவரையுமே விடுதலை செய்யுமாறு அவர் பிரதமரை கேட்டுள்ளார்.
பிரேமானந்தா ஆசிரமத்தையும் அதன் சொத்துக்களையும் பராமரிக்க வேண்டியுள்ளதால் அதனைப் பொறுப்பெடுக்க வேறு யாரும் இல்லாத நிலையில் அப்பாவிகளான இவர்களை விடுதலை செய்யுமாறு இக்கடிதத்தில் குறிப்பிடப்பட்டுள்ளது.
முதலமைச்சர் விக்கினேஸ்வரன் பிரேமானந்தாவின் நீண்டகால சீடராவார். அவர் தனது ஆன்மீக குருவாக இன்றுவரை பூஜை செய்யும் பிரேமானந்தா ஒரு பாலியல்வன்புணர்வு, படுகொலை குற்றவாளி என்பதுபற்றி அவர் ஒருபோது வெட்கப்பட்டது கிடையாது. மாறாக அதையிட்டு முதலமைச்சர் பெருமைகொண்டே வந்திருக்கின்றார்.
ஆன்மீக தேடல் என்பது அவரவர் உரிமையே என்றாலும் கடவுளின் பெயராலும் பக்தியின் பெயராலும் வன்புணர்வுகளிலும் படுகொலைகளிலும் ஈடுபடும் இதுபோன்ற சமூக விரோத பாதாள கும்பல்களுடன் தொடர்பு வைத்திருப்பதையிட்டு அவர் ஒருபோதும் மனம் வருந்தியது கிடையாது. இது பற்றி அவருக்கு வாக்களித்த ஒவ்வொருதமிழனும் தமிழச்சியுமே நாணி தலை கவிழ வேண்டும்.
பற்றற்றவனே துறவியாவான் என்பர் முன்னோர். ஆனால் வெளிநாடுகளில் பலகோடி கறுப்பு பணங்களை முதலிட்ட சர்வதேச மாபியா பிரேமானந்தாவை நமது முதலமைச்சர் துறவி என்று கொண்டாடுகின்றார்.
1997ல் பிரேமானந்தாவுக்கு தீர்ப்பு வழங்கிய புதுக்கோட்டை நீதிமன்றம் அவன் மீதான குற்றப்பட்டியலில் இந்த பண மோசடிகள் பற்றியும் விலாவாரியாக குறிப்பிட்டுள்ளமை முக்கியமானதொன்றாகும்.
ஒரு சந்நியாசிக்கு ஜெயலலிதா ஊழல் புகழ் ராம் ஜெத்மலானி போன்ற கோடிக்கணக்கில் பணம் வாங்கும் வழக்கறிஞர்கள் இலவசமாகவா வாதாட முன்வருவர்? இதற்கெல்லாம் பணம் எங்கிருந்து வந்தது? இவர்களுக்கும் ஆன்மீகத்துக்கும் என்ன சம்பந்தம்?
தற்போது சிறையில் வாடும் பிரேமானந்தாவின் சகபாடிகள் மீண்டும் வெளியே வரவேண்டுமாம் ஆச்சிரமத்தின் சொத்துக்களை பராமரிக்க ஆள்தேவையாம் என்பதே முதலமைச்சரின் வேண்டுகோளுக்கான கவலையாக கடிதத்தில் குறிப்பிடப்பட்டுள்ளது.
(பிரேமானந்தாவுக்கும், விக்கினேஸ்வரானந்தாவுக்கும் நிறைய ஒற்றுமைகள் காணப்படுகிறது பாருங்கள். ( குங்கும பொட்டு, திருநீற்று பட்டை, தாடி, கள்ள சிரிப்பு)
ஆனால் வடமாகாணத்துக்கு அரசாங்கம் ஒதுக்கிய 1500 கோடி ரூபாயில் பாதிக்கு மேல் மாகாண சபையின் செயலூக்கமற்ற தன்மையினால் திரும்பி செல்வது பற்றி முதல்வருக்கு ஒருபோதும் கவலையில்லை.
இலங்கையில் உரிய விசாரணைகளோ, தீர்ப்புகளோ இன்றி சிறையில் வாடும் அரசியல் கைதிகளைவிடுவிப்பதில் இந்த ஏன் முதல்வர் அக்கறை செலுத்துவதில்லை? இவர்களின் உறவினர்கள் எத்தனையோ பேர் தினம் தினம் உங்களை வந்து சந்தித்து கொண்டுதானே இருக்கின்றனர்?
காணாமல் போனோருக்காகவும் சிறையில் வாடுவோருக்காகவும் நாளும் பொழுதும் நடைபெறும் உண்ணாவிரதங்களும் ஆர்ப்பாட்டங்களும் உங்கள் ஆன்மீக நிஷ்டையை ஒருபோதும் குலைப்பதில்லையா?
அவர்களுக்காக நீங்களும் உங்கள் தமிழ் தேசிய கூ ட்டமைப்பும் நல்லாட்சிவேண்டி தேர்ந்தெடுத்த ஜனாதிபதியிடம் ஒரு தீர்க்கமான வேண்டுகோளை இதுவரை விடுத்தீர்களா?
ஏன் இந்தியாவில கூட எத்தனையோ எத்தனையோ ஈழத்தமிழர்கள் புலிகள் என்னும் சந்தேகத்தில் சிறையில் வாடுகின்றார்களே?அதைப்பற்றி அவர்களின் விடுதலை பற்றி மோடிக்கு ஏன் ஒரு வேண்டுகோளை விடுக்கவில்லை? இவர்களெல்லாம் தமிழர்கள் இல்லையா?
மோடிக்கு அனுப்பிய கடிதம் பற்றி பிபிசிக்கு அவர் அளித்த விளக்கத்தில் சிறையிலிருப்பவர்கள் மூவரும் வடமாகாண பிரசைகளாம் என்று அக்கறைப்பட்டார்.
ஆனால் இந்த பிரேமானந்தா ஆச்சிரமத்தில் வன்புணர்வுக்குள்ளாக்கப்பட்ட பதின் மூன்று அபலை பெண்களும் கூட அதே வடமாகாணத்தை சேர்ந்தவர்கள்தானே?
பெண்கள் என்றால் அப்படித்தான் அவர்கள் எங்களது பாலியல் சொத்துக்கள் என்கின்ற மன உணர்வுக்கு நெருக்கமானவர்தான் நமது முதலமைச்சர் என்பதை இவ்விடத்தில் சுட்டிக்காட்டல் தகும் என எண்ணுகின்றேன்.அவரது உரைகளும் பேச்சுகளும் எப்போதும் பெண்களை கொச்சைப்படுத்துவதை வழக்கமாக கொண்டிருக்கும்.
» நீதியரசர் விக்கினேஸ்வரன் முதலமைச்சர் வேட்பாளராக களமிறக்கப்பட்ட போது அவர் சொல்ல வார்த்தைகள் இப்படியிருந்தன.
“இது நிர்ப்பந்த திருமணம் ஆனாலும் விரும்ப பெண்டாட்டியுடன் குடும்பம் நடத்தத்தானே வேண்டும்” இப்படி பெண்களை பாலியல் பண்டங்களாக அவர் கிளுகிளுப்பாகவே வர்ணிப்பதை அவரது பேச்சுகளில் தாராளமாக காணலாம். முதல்வரின் பேச்சினை அடிக்கடி அவதானித்தால் நான் சொல்லவருவது மிகைப்படுத்தல் அல்ல என்பதை உணரலாம்.
கடந்த வருடம் ஒக்டோபர் மாதம் முதலமைச்சர் நடத்திய நடமாடும் சேவையை புறக்கணித்த அவரது அதிகாரிகளையிட்டு மக்களுக்கு அவர் ஆற்றிய உரையை பாருங்கள்
> “இவர்களின் செயற்பாடு எப்படி இருக்கின்றது என்றால் கணவனைப் புறக்கணித்து அடுத்த வீட்டுக்காரனின் அரவணைப்பினுள் செயற்படும் மனைவி போல் இருக்கின்றது.
அடுத்த வீட்டுக்காரன் அதிக அதிகாரங் கொண்ட அலுவலன் என்பதால் அவனை அண்டி வாழவும் கணவனைப் புறக்கணிக்கவும் எத்தனிக்கும் மனைவிமார் காலக்கிரமத்தில் தமது கடமையையும் கடப்பாட்டினையும் புரிந்து குடும்ப நன்மையை முன்வைத்து வாழ வேண்டி முற்படுவார்கள் என்ற எதிர்பார்ப்பு எமக்குண்டு.
அடுத்த வீட்டுக்காரன் சலுகைகள் தருவது தன் நன்மைக்கே என்பது மனைவிக்கு காலஞ்செல்லச் செல்லப் புலனாகும். அவன் தன் காரியம் முடிந்ததும் இவளை நட்றாற்றில் விட்டு விட்டுப் போய்விடுவான் என்பதும் புரியவரும்.
> கணவனாகிய நாங்கள் இப்பேர்ப்பட்ட மனைவிமார்களின் தப்பான தரங்கெட்ட நடத்தையைப் பொறுமையுடன் கவனித்து வருவோம்.
மனைவிமார் எம்மிடம் வந்து மன்னிப்புக் கேட்டு ஒழுங்காகக் குடும்பம் நடத்துங் காலம் வெகுதூரத்தில் இல்லை என்று கூறி இன்றைய இந்த நடமாடுஞ் சேவையைச் செவ்வையாக நடாத்த எல்லோர் ஒத்துழைப்பையும் வேண்டி நிற்கின்றேன்”.
> இந்த உரை முதலில் பெண்களை இழிவுபடுத்தும் கயமைத்தனமான உரையாகும் அரசியல் தலைவர்களே இப்படி எடுத்ததற்கெல்லாம் பெண்களை கேவலப்படுத்தும் வகையில் உதாரணங்களையும் ஒப்பீடுகளையும் வைத்து உரையாற்றினால் பெண்கள் எப்படி சமுகத்தில் மதிக்கப்படுவர்? பெண்கள் வாழ்வு எப்படி மேம்படும்?
> கடந்த வருடம் கூட முதலமைச்சர் இந்தியா சென்றபோது இந்த பிரேமானந்தாவின் ஆச்சிரமத்துக்கு சென்று அக்குள்ள பிரேமானந்தாவின் சமாதியை வணங்க தவறவில்லை .
கடவுளை வணங்குவதே ஒரு முட்டாள்தனம் என்பார் ஈ.வே.ரா.பெரியார். ஆனால் நாமோ, நமது சமூகத்தை இழிவுபடுத்தி பெண்களை மானபங்கப்படுத்தி, கொலைகளை செய்து ஆச்சிரமத்துக்குள்ளே புதைக்கும் கயவர்களை வணங்கும் மனிதர்களை புத்திசாலிகள் என்று கொண்டாடுகின்றோம்.
இந்தியாவில் இந்த பஞ்சமா பாதகங்களை எல்லாம் செய்துவரும் பிரேமானந்தா ஆச்சிரமத்தினர் இலங்கையிலும் தமது கிளை ஆச்சிரமங்களை திறக்கும் முயற்சியில் இறங்கியுள்ளனர்.
முறிகண்டிபகுதியில் அதற்கான இடமொன்றை முதலமைச்சர் ஒதுக்கியிருப்பதாகவும் ஒரு தகவல் உண்டு. துப்பாக்கிகளுக்கும் வெடிகுண்டுகளுக்கும் தப்பி உயிரைமட்டும் கையில் பிடித்துக்கொண்டு வாழ்விழந்து நாதியற்று நிற்கும் எமதுமக்களே இந்த ஆசாமிகளின் இலக்கு ஆகும்.
பெற்றோரை இழந்த பெண்குழந்தைகளையும் இளம்விதவைகளையும் நோக்கி ஆச்சிரமங்கள் வாழ்வாதார உதவித்திட்டங்கள் என்னும் பெயர்களில் இந்த ஆன்மீக வேடதாரிகள் வலைவிரிப்பதை நாம் ஒருபோதும் அனுமதிக்க முடியாது, கூடாது.
– மட்டுநகரிலிருந்து எழுகதிரோன்-
பச்சை கிரிமினல் பிரேமானந்தா சுவாமிக்கு வடக்கில் ஆச்சிரமம் தேவையா??
வவுனியாவில் புளியங்குளத்தில் ஏ9 வீதியில் அமைக்கப்பட்டு உள்ள பிரேமானந்தா ஆச்சிரத்தை வளப்படுத்துகின்றமையில் வட மாகாண முதலமைச்சர் சி. வி. விக்னேஸ்வரன் மிகுந்த அர்ப்பணிப்புடன் செயற்பட்டு வருகின்றார்.
அத்துடன் இம்மாகாணத்தில் உள்ள ஒவ்வொரு மாவட்டத்திலும் இவரின் முதலமைச்சர் பதவிக் காலத்தில் பிரேமானந்தா சுவாமிக்கு ஆச்சிரமங்கள் அமைக்கின்ற செயற்பாட்டை முன்னெடுப்பார் என்றும் மிக நெருக்கமானவர்களுக்கு வெளிப்படையாக தெரிவித்து உள்ளார்.
மேற்சொன்ன பிரேமானந்தா ஆச்சிரமத்தில் கிருஷ்ணர் சிலை ஒன்றை நிறுவிக் கொடுக்கின்றமையில் இவர் முன்னிலை வகித்து செயற்பட்டார்.
இச்சிலையின் பிரதிஷ்டை அண்மையில் இடம்பெற்றது. மிகுந்த கடமைப் பளுக்களுக்கு மத்தியிலும் இதில் முதலமைச்சர் தவறாது கலந்து கொண்டு வழிபாடுகள், பிரசங்கம் மேற்கொண்டார்.
ஆனால் நீதி துறையால் படுகொலை, பாலியல் வல்லுறவு ஆகிய கொடூரக் குற்றங்களைப் புரிந்தவர் என ஒன்றுக்கு இரண்டு தடவைகள் குற்றவாளியாக நிரூபிக்கப்பட்ட ஒரு காமுகன்தான் பிரேமானந்தா.
இந்நிலையில் முன்னாள் நீதியரசரான விக்னேஸ்வரன் கடவுளாகவும், குருவாகவும் பிரேமானந்தாவை வழிபடுகின்றமையோடு மட்டுமல்லாமல் பிரேமானந்த வழிபாட்டை கொழும்பு, வட மாகாணம் அடங்கலாக நாட்டின் பல இடங்களிலும் பரப்பி வருகின்றமை சர்ச்சைக்கு உரிய விடயமாக பூதாகரம் ஆகி உள்ளது.
வெள்ளைக்காரர்கள் போலி சாமியார்கள் நடத்தும் ஆச்சிரமங்களுக்கு ஏன் வருகிறார்கள் தெரியுமா?
1.தங்குமிடம் இலவசம் (இயற்கையான, எழில் நிறைந்த இடங்கள்)
2. இலவச உணவு
3. ஊர் சுற்றிப் பார்பதற்கான ஒழுங்குகள் இலவசம்
4. வெள்ளைக்காரர்களை கவனிப்பதற்கு (சேவை) பணியாட்களும் நியமிக்கப்பட்டுள்ளார்கள். (உடம்பு தேய்த்து விடுவதற்கான ஆட்களும் கிடைப்பார்கள்)
(இந்தியர்கள், இலங்கையர்களை (தமிழர்கள்,சிங்களவர்கள்) பொறுத்தவரை வெள்ளைக்காரர்களும் கடவுள்கள் தானே)
5. இதைவிட, அவர்கள் என்ன விரும்புகிறார்களோ, அவற்றையும் பெற்றுக்கொள்ளலாம். ஜாலியான வாழ்க்கை தானே!
வெள்ளைகாரர்களை போலி சாமியார்கள் நடத்தும் தங்கள் ஆச்சிரமங்களில் தங்க வைப்பதன் மூலம் அவர்களுக்கு என்ன நன்மை கிடைக்கும்?
கொஞ்ச டொலர் கிடைக்கும்.
அதைவிட, வெள்ளைக்காரனே எங்கட ஆச்சிரமத்துக்கு வந்து, எங்கட பிரேமானந்தா சாமியை உண்மையான சாமி என எண்ணி வணங்குகின்றான் என்றால் எவ்வளவு பெருமை!
இதுபோன்ற நடவடிக்கை மூலம், தமிழர்களை இலகுவாக கவர்ந்து ஆச்சிரமத்துக்கு ஆள் பிடிக்கலாம் என்பதுதான் சூட்சமம்.
சுவாமி பிரேமானந்தா குறித்த குறிப்புகள் வருமாறு:-
“ சுவாமி பிரேமானந்தா இலங்கை மாத்தளையைச் சேர்ந்தவர். 1951 ஆம் ஆண்டு நவம்பரில் பிறந்த அவரின் பெயர் பிறேம்குமார். சித்து வேலைகள் கை வரப் பெற்றவர். அதனைப் பயன்படுத்தி 1972 இல் மாத்தளையில் ஓர் ஆச்சிரமத்தை ஆரம்பித்தார்.
1983 இனக் கலவரத்தை அடுத்து, ஆசிரமத்தில் இருந்த ஒரு டசின் அநாதைக் குழந்தைகளையும், சில விசுவாசிகளையும் அழைத்துக் கொண்டு அகதிப் படகில் தமிழகம் சென்ற பிரேமானந்தா 1989 இல் திருச்சியில் பூபாலகிருஷ்ண ஆச்சிரமம் என்ற பெயரில் புதிய ஆச்சிரமத்தைத் தொடங்கினார்.
வாயில் இருந்து திருநீறு கொட்டுவது, சிவலிங்கம் வரவழைப்பது, அந்தரத்தில் கையை அசைத்து திருநீறு, குங்குமம், சந்தனத் தூள், உருத்திராட்சக் கொட்டை போன்றவற்றை வரவழைப்பது போன்ற சித்து வேலைகளை அதிசயமாகச் செய்து காட்டுவதால் பிரேமானந்தாவுக்கு அதிக மவுசு ஏற்பட்டது.
அதனால் ஆசிரமத்துக்கும் பிரபல்யம் உண்டாயிற்று. சொத்துகள் சேர ஆரம்பித்தன. திருச்சி பாத்திமா நகரில் 150 ஏக்கர் விஸ்தீரணத்தில் ஆசிரமம் விசாலமாயிற்று. சுமார் நூறு சிறுவர்கள், நூறு சிறுமியர் என அநாதைக் குழந்தைகள் ஆச்சிரமத்தில் சேர்க்கப்பட்டு வளர்க்கப்பட்டனர்.
1993 இறுதி வரை எல்லாம் நன்றாகத்தான் போய்க் கொண்டிருந்தது. ஆனால் ஆச்சிரமத்துக்குள், சுவாமியின் குடிலுக்குள் இடம்பெறும் பயங்கரங்கள் பற்றி செய்தி கசியத் தொடங்கியபோதுதான் நிலைமை விபரீதமாயிற்று.
சில சிறுமிகள் ஆச்சிரமத்தை விட்டுத் தப்பி வந்து பொலிஸில் கொடுத்த புகார்களை அடுத்து பொலிஸ் விசாரணை ஆரம்பமாயிற்று.
அப்போதுதான் தோண்டத் தோண்டப் பூதம் கிளம்பிய கதையாக பல மர்மங்கள் வெளிப்படத் தொடங்கின. அநாதைச் சிறுமியரை வைத்துத் அவரது உடல் பசியைத் தீர்த்த சுவாமியின் அடாவடித்தனங்கள், பித்தலாட்டங்கள் அம்பலமாயின.
அந்த கால கட்டத்தில் சுவாமி பிரேமானந்தாவின் லீலைகளை விவரிக்காத நாளே தமிழகப் பத்திரிகைகள், சஞ்சிகைகளுக்குக் கிடையாது என்ற நிலைமை. சுவாமி பிரேமானந்தாவைப் போன்று வேடமிட்டு நகைச்சுவை நடிகர் செந்தில் பண்ணிய திரைப்படக் கலாட்டாவுக்குப் பெரு வரவேற்பு.
நீதிமன்ற விசாரணைகளின் படி ஆகக் குறைந்தது பதின்மூன்று சிறுமிகளை பிரேமானந்தா பாலியல் வன்புணர்வுக்கு உட்படுத்தியமை நிரூபணமாயிற்று.
இதில் பல சிறுமிகள் பருவமடைய முன்னரும், பருவமடைந்து ஒரு மாதத்துக்குள்ளும் கூட சுவாமியால் வன்புணர்வுக்கு உட்படுத்தப்பட்டனர் என்ற அதிர்ச்சித் தகவலும் வெளியாயிற்று.
பிரேமானந்தாவினால் வன்புணர்வுக்கு உட்படுத்தப்பட்டு கர்ப்பமடைந்த சிறுமி ஒருவரின் கர்ப்பத்தைக் கலைக்கவும் நீதிமன்றம் அனுமதி அளித்தது.
அந்தக் கருவை மருத்துவ சோதனைக்கு உட்படுத்திய நிபுணர்கள் அதற்குக் காரணம் சுவாமி பிரேமானந்தாவே என்பதையும் நீதிமன்றத்தில் விஞ்ஞான ஆதரங்களோடு சமர்ப்பித்தனர்.
சிறுமிகளுக்கு எதிரான இத்தகைய பாலியல் கொடூரங்களை அறிந்து அதற்கு எதிராகக் கொதித்தெழுந்த ரவி என்ற ஆச்சிரம உதவியாளர் பிரேமானந்தாவினால் அடித்துக் கொலை செய்யப்பட்டு ஆச்சிரம சுற்றாடலிலேயே புதைக்கப்பட்டார். விசாரணைகளின்போது அவரது சடலம் தோண்டி எடுக்கப்பட்டது.
பாலியல் வன்புணர்வைத் தாங்க முடியாமல் ஆச்சிரமத்தை விட்டு ஓட முயன்ற சிறுமிகள் வளைத்துப் பிடிக்கப்பட்டு சுவாமியினாலேயே தாக்கப்பட்டு தண்டிக்கப்பட்டனர்.
பொலிஸ், நீதிமன்ற விசாரணைகளின் போது ஆச்சிரமத்தில் பிரேமானந்தா சுவாமிக்கு அடுத்த நிலையில் பொறுப்பில் இருந்த மாதாஜி திவ்வியதேவி ராணி என்ற பெண்மணி தலைமறைவானார்.
சுவாமியின் பாலியல் கொடூரங்களுக்குத் துணை நின்றவர் எனக் கருதப்படும் இந்த அம்மணி இன்னும் இந்தியாவில் தேடப்படும் குற்றவாளியாகவே இருக்கின்றார். அவர் கைது செய்யப்படவில்லை.
நீதிமன்ற விசாரணையை அடுத்து 1997 ஓகஸ்டில் சுவாமி பிரேமானந்தாவுக்கும் அவரது உதவியாளர்கள் ஐவருக்கும் இரட்டை ஆயுள் தண்டனை விதிக்கப்பட்டது.
மற்றொரு எதிரிக்கு இரண்டு வருடச் சிறை கிடைத்தது. சுவாமி உட்பட ஏழு எதிரிகளும் பாதிக்கப்பட்ட சிறுமிகளுக்கு இந்தியப் பணத்தில் 62 இலட்சம் ரூபா நஷ்டஈடு செலுத்தவும் உத்தரவிடப்பட்டது.
இந்தத் தீர்ப்பை எதிர்த்து பிரேமானந்தா செய்த மேன்முறையீடு 2002 டிசெம்பரில் உயர்நீதிமன்றத்தினால் நிராகரிக்கப்பட்டு அவருக்கான தண்டனை உறுதி செய்யப்பட்டது. 2011 பெப்ரவரி 21 இல் 59 ஆவது வயதில் சிறையில் பிரேமானந்தா காலமானார்.