அபாரமாக பந்து வீசி வரலாற்று சாதனை படைத்த பும்ரா! டெஸ்ட் ரேங்கிங்கில் முதலிடம்

ஐசிசி-யின் டெஸ்ட் போட்டியின் பந்து வீச்சாளர்கள் தரவரிசயைில் வேகப்பந்து வீச்சாளரான பும்ரா முதலிடம் பிடித்துள்ளார்.

9 விக்கெட்டுகள் எடுத்த பும்ரா
இந்தியாவுக்கு சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி 5 போட்டிகள் கொண்ட டெஸ்ட் தொடரில் விளையாடி வருகிறது. இந்த போட்டி இரு அணிகளுக்கும் முக்கியத்துவம் வாய்ந்ததாக பார்க்கப்படுகிறது.

இந்த தொடரின் முதல் போட்டியில் இந்தியாவை வீழ்த்தி இங்கிலாந்து அணி வெற்றி பெற்றது. 2 -வது போட்டியில் இங்கிலாந்தை வீழ்த்தி இந்தியா வெற்றி பெற்றது.

இதில் 2-வது டெஸ்ட்டில் இந்திய அணியின் நட்சத்திர வேகப்பந்து வீச்சாளரான பும்ரா அபாரமான பந்து வீச்சை வெளிப்படுத்தினார். அவர் முதல் இன்னிங்சில் 6 விக்கெட், 2 -வது இன்னிங்சில் 3 விக்கெட் என மொத்தம் 9 விக்கெட்டுகள் எடுத்தார்.

முதலிடம் பிடித்த பும்ரா
இதனால், ICC -யின் டெஸ்ட் போட்டியின் பந்து வீச்சாளர்கள் தரவரிசயைில் முதல் இடத்தை பும்ரா பிடித்துள்ளார்.

இதனிடையே, டெஸ்ட் கிரிக்கெட் வரலாற்றில் இந்திய வேகப்பந்து வீச்சாளர் இதுவரை முதல் இடம் பிடித்தது இல்லை. தற்போது முதல் இடத்தை பிடித்த பும்ரா வரலாற்று சாதனையை படைத்துள்ளார்.