பெரும் பிர்ச்சனைக்கு பிறகு ஈரான் எதிர்கொள்ளும் முதல் தேர்தல்! ஆர்வம் காட்டுவர்களா மக்கள்?

ஹிஜாப் விவகாரத்திற்கு பிறகு ஈரான் எதிர்கொள்ளும் முதல் நாடாளுமன்ற தேர்தலுக்கான வாக்குப் பதிவு இன்றையதினம் (01-03-2024) நடைபெற்று வருகிறது.

ஈரானிய அரசாங்கம் ஹிஜாப் அணிவதைக் கட்டாயமாக்கியதைத் தொடர்ந்து அங்கு பாரிய போராட்டம் வெடித்து பரபரப்பை ஏற்படுத்திருந்தது.

இதன்போதும் 22 வயதான மஹ்சா அம்னி சிறைசாலையில் உயிரிழந்தார். ஈரானிய அரசின் இறையாட்சியை மாற்ற குரல் கொடுக்கும் யாருக்கும் தேர்தலில் நிற்க அனுமதியளிக்கப்படவில்லை.

தேர்தலில் நிற்பவர்களில் பெரும்பாலானவர்கள் பழமைவாதிகள் மற்றும் கடினபோக்காளர்கள் மட்டுமே. ஈரான் பொருளாதாரம் தொடர்ந்து சரிவைச் சந்தித்து வருகிறது.

290 தொகுதிகள் கொண்ட நாடாளுமன்றத்துக்கு 15 ஆயிரத்துக்கு அதிகமான பேர் போட்டியிடுகின்றனர்.

அவர்களில் 116 பேர் மட்டுமே மிதமான அல்லது தீவிர மாற்றத்துக்கான ஆதரவாளர்கள். இவர்களுக்கு 4 ஆண்டு ஆட்சிக் காலம். 5 தொகுதிகள் மட்டும் ஈரானின் சிறுபான்மையினருக்கு ஒதுக்கப்பட்டுள்ளது.

தீவிர போக்காளர்களே 20 ஆண்டுகளாக ஈரானில் ஆட்சி நடத்தி வருகின்றனர்.

8.5 கோடி பேர் மக்கள்தொகை கொண்ட ஈரானில் வாக்களிக்க தகுதியுடையவர்கள் 6.1 கோடி பேர். 59 ஆயிரம் வாக்கு மையங்களில் 2 லட்சத்துக்கும் அதிகமானோர் பாதுகாப்பு பணியில் ஈடுபட்டுத்தப்பட்டுள்ளனர்.

தேர்தல் நடத்த கூடுதலாக 10 லட்சம் பேர் வேலை செய்கின்றனர். மக்கள் வாக்களிப்பதில் ஆர்வம் காட்டுகிறார்களா என்பதே தற்போதைய கேள்வியாகவுள்ளது.