கூகுள் நிறுவனம் தனது பயனர்களுக்காக வழங்கிவரும் பயனுள்ள சேவைகளுள் Google Flights சேவையும் ஒன்றாகும்.
இதன் ஊடாக வெளிநாட்டு பயணங்களின்போது அவசியமான விமான போக்குவரத்து அட்டவணைகள் தொடர்பான தகவல்களை பெற்றுக்கொள்ள முடியும்.
இச் சேவையை மொபைல் சாதனங்களில் பெற்றுக்கொள்வதற்கென விசேட அப்பிளிக்கேஷனும் உருவாக்கி அறிமுகம் செய்யப்பட்டுள்ளது.
இந்நிலையில் தற்போது குறித்த அப்பிளிக்கேஷனின் புதிய பதிப்பு ஒன்றினை கூகுள் நிறுவனம் அறிமுகம் செய்யவுள்ளது.
இப் புதிய பதிப்பில் பல்வேறு விமான சேவைகளும் ஒவ்வொரு நாட்டுக்குமான பயணங்களுக்கு அறவிடும் கட்டணங்களை தெரிந்துகொள்ள முடியும்.
தவிர இக் கட்டணங்களை ஒப்பிட்டு குறைந்த கட்டணத்தில் சேவையை வழங்கும் நிறுவனங்களை தெரிந்துகொள்ளும் வசதியும் உள்ளடக்கப்பட்டுள்ளது.
இதன் ஊடாக பல டொலர்கள் வரை மீதப்படுத்திக்கொள்ள முடியும் என்பது குறிப்பிடத்தக்கது.
